भांगरभूंय | प्रतिनिधी
पणजी : खानापूर म्हालांतल्या शाहूनगर विद्यानगर वाठारांत जमनीच्या वादांतल्यान दोन गटां मदीं झगडें पेटलें. हो प्रकार मोबायलांत कैद जाला. ह्या झगड्यांत ६ परस चड जाण जखमी जाल्ल्याचें सांगतात.
मेळिल्ले म्हायती प्रमाण, हांगाच्या सिरॅमीक कारखान्याच्या प्लॉट क्रमांक १३८ विशीं न्यायालयान दिल्ल्या आदेशा प्रमाण, फाटल्या पांच दिसां सावन कारखान्याचे कर्मचारी जमीन नितळ करतात. हाचे मजगतीं, कांय लोकांनी कारखान्याच्या कर्मचार्यांचेर हल्लो केला.
आनीक एके म्हायती प्रमाण खानापूरच्या विद्यानगरांत संदीप पाटील आनी परशुराम अंकुश पाटील ह्या दोगांक गंभीर जखमो जाल्यात. तांकां बेळगांवच्या बीएम्स हॉस्पिटलांत दाखल केल्यात. मजगतीं हे कामगार आपल्या कामांत गुंतिल्ले आसतनाच अचकीत ५० परस चड लोक एकठांय आयले आनी तांणी हल्लो केलो. ह्या हल्ल्या वेळार क्रिकेट बॅट, बडयो, फांतर आनी विटो वापरल्यो. ही घडणूक खानापूर पुलीस स्टेशनाचे हद्दींत घडली.
मजगतीं पुलिसांनी हे विशीं गुन्यांव नोंद करून तपास करपाक सुरवात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
