भांगरभूंय | प्रतिनिधी
मडगांवः पेडाच्या महेश बोरकार हांकां प्लॉट दिता सांगून तांची 42 लाख 50 हजार रुपयांक फटवणूक केल्ल्या प्रकरणांत कमलेश मुन्शीभाय कारेलिया (फातोड्यां) हाचे आड पुलिसांनी गुन्यांव नोंद केलो.
ह्या प्रकरणांत महेश बोरकार हांणी मडगांव पुलीस स्टेशनांत कागाळ केल्या. कागाळी प्रमाण, मार्च ते जुलय 2024 ह्या काळांत दुबावीत कारेलिया हाणें बोरकार हाका घर बांदपा खातीर जमीन दिवपाचें उतर दिल्लें. हे खातीर ताणें बोरकारा कडल्यान 42 लाख 50 हजार रुपया घेतले. पूण पयशे घेतले तरी ताणें बोरकाराक प्लॉट दिलो ना आनी पयशे परत केले ना.
पुलिसांनी बोरकार हांचे कागाळीची दखल घेवन चवकशी केली आनी उपरांत दुबावीत करेलिया आड गुन्यांव नोंद केलो. ह्या प्रकरणाचो फुडलो तपास पुलीस निरिक्षक सूरज सामंत हांच्या मार्गदर्शना खाला पुलीस उपनिरिक्षक अनुष्का परब करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
