जपान भुंयकांप: २४ जाणांक मरण; १०० इमारती लासून गोबोर; सुनामीची शिटकावणी फाटीं
भांगरभूंय | प्रतिनिधी
जपान, खबरां संस्था: जपानांत नव्या वर्साच्या दिसा जाल्ल्या ७.२ रिश्टर स्केलाच्या भुंयकांपात आतां मेरेन ३० जाणांक मरण आयलें. हांगाच्यो १०० इमारती लासून गोबोर जाल्यात. भुंयकांपा उपरांत हांगा सुनामी आयली. वाजिमा शारांत सुमार ४ फूट उंच (१.२ मीटर) ल्हारां उसळ्ळीं. पूण सांजवेळार सरकारान सुनामीची शिटकावणी फाटीं घेतली. दर्यादेग वाठारांत रावपी लोकांक सध्या घरा परत वचपाक न्हयकार दिला. कारण आजूनय व्हडलीं ल्हारां येवपाचो धोको आसा.
हांगचें सरकार बेगीनूच नवें ऍडव्हायजरी जारी करतलें. मिडिया रिपोर्ट्स ६ जाणांक मरण आयलां. सरकारान हे विशीं आनीक म्हायती दिवंक ना.
वाजिमा शारांत एक इमारत कोसळ्ळी. ताचे पोंदाक ६ जाण आयले. हांगच्या ३५ हजार घरांनी वीज ना. उत्तर कोरिया आनी रशियेनूय सुनामीची शिटकावणी दिल्या.
सुनामी आसा काय ना हें कशें थारोवपाचें?
जपानच्या ’सुनामी वॉर्निंग सिस्टीम’ प्रमाण, भूकंपा उपरांत सुनामीची शिटकावणी जारी केली. उपरांत दर्यांत १ मिटर उंच ल्हारां उसळ्ळीं. तीं ×ल्हारा सुनामी वाठारांत दवरतात. ताची उंचाय उपरांत ३ ते ५ मिटर आसूं येतात. जर ल्हारां ५ मिटरप मेरेन वाडल्यार ताका ’मेजर सुनामी’ श्रेणीत दवरतात.
४२ आफ्टरशॉक आयले
जपानाचे हवामान संस्थेन दिल्ले म्हायती प्रमाण इशिकावा प्रांतांतल्या अनामिझू शारांत हो भूंयकांप जालो. ताचें केंद्र धर्तरेच्या १० किलोमीटर सकयल आशिल्लें. भारतीय वेळा प्रमाण दनपरां १२.४० वरांचेर भुकंपाचे धपके जाणवले. वट्ट ४२ आफ्टरशॉक आयल्यात. सगळ्यांची खरसाण ३.४ ते ४.६ मजगतीं आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
