भांगरभूंय | प्रतिनिधी
सरासरी न्हिदेचे नदरेन पळयल्यार जपाना उपरांत 24 वरांत भारतीयांक सगळ्यांत उणी न्हीद येता. दर दिसा सरासरी एक वर उणी न्हीद. आमी आमच्या जिविताचो एक तृतीयांश वांटो न्हिदेंत सारतात. उणी न्हीद घेतल्यार ताचो परिणाम कुडीचेर दिसतलो. हाचे वयल्यान न्हीद कितली म्हत्वाची हें स्पश्ट जाता. न्हीद उणी जावपाचो सरळ संबंद उच्च रक्तदाब, काळजाचो आताक वा अर्धांग ह्या दुयेंसां कडेन आसता. चिंता आनी उदासीनताय ह्यो कागाळीय चड प्रमाणांत दिसतात. एल्सेव्हियर ह्या दिसाळ्यांतल्या ‘न्हीद वैजकी’ नियाळांत फावो ती न्हीद मेळनाशिल्ल्या लोकांक आत्महत्या करपाचे विचार येवपाची चड शक्यताय आसा, अशें दिसून आयलां.
न्हिदेचो कुडीचेर परिणाम
1 वरां उणी न्हीद घेतल्यार काळजाचेर ताण येता. रगत पंप करपाक काळजाक चड कश्ट करचे पडटात. अशे स्थितींत काळजाच्या दुयेंसांचोय धोको वाडटा. आल्झायमर दुयेंसाचो धोको दिसाक 6 वरां वा ताचे परस उणें न्हीद घेवपी लोकांक जाता. न्हीद ना येवप आनी स्लीप एपनिया सारकिल्ल्या न्हीद येवपाचे त्रास जातात, तांकां मेंदवा संबंदीत आल्झायमर दुयेंसाचो धोको चड आसता. दिसाक सात वरां परस उणी न्हीद घेवपी लोकांक थंडी जावपाची शक्यताय तीन पटींनी चड आसता. कारण रोगप्रतिकार शक्त उणी जाता. अपूर्ण न्हीद जाल्यार 50% प्रतिपिंड वाडटा. एका मनशांक फ्लू खातीर लस घेवपा पयलीं एक सप्तक फावो तितली न्हीद घेतली नाजाल्यार लस दिले उपरांत कुडींत फकत 50% प्रतिपिंड तयार जातात.
7 वरां पुराय न्हीद, स्लीप फावंडेशनाच्या मतान हें 7 दीस पाळचें, 18 ते 60 वर्सां पिरायेच्या सरासरी मनशाक उण्यांत उणी 7 वरां न्हीद गरजेची आसा. न्हिदेचें वेळापत्रक करात जें तुमकां 7 वरां पुराय न्हीद घेवपाक मेळटली.
चड तेल, मसालो आनी गोड पदार्थ खाल्यार न्हिदेचेर परिणाम जाता. तिखट अन्न खाल्यार कुडींत अॅसिडाचे प्रमाण वाडटा आनी ताका लागून काळजाची जळप वा अॅसिड रिफ्लेक्स जाता, जाचो परिणाम न्हिदेचेर जाता.
न्हीद तंत्र
हें 4- 7- 8 श्वास घेवपाचे तंत्र डॉ. अँड्रयू वेल हाणें विकसीत केलां. हें तंत्र प्राणायमाचेर आदारिल्लें आसा. नियमित केल्यार श्वासाचेर नियंत्रण दवरूं येता. कुडीक आराम दिवन सोयीस्कर स्थितींत न्हीदप. आतां दांतां फाटल्यान आशिल्ल्यान ताळून जिबेच्या तोंकाक स्पर्श करचो. पुराय
सरावांत हें चालू दवरात.
स्वासाच्या चक्रांत हीं चार पावलां पाळचीं. 1) पयलीं तोंड उगडात. आतां शिट्टीचो आवाज करून तोंडातल्यान पुरायपणान स्वास सोडचो. 2) आतां ओंठ बंद करात. मनांत चार मेरेन आकडे
मेजून ल्हवू ल्हवू नाकांतल्यान स्वास घेवचो. 3) आतां 7 सेकंद स्वास थांबवचो. 4) आतां आठ सेकंद पयलीं भशेन शिट्टीचो आवाज करून तोंडातल्यान पुरायपणान स्वास सोडचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
