भांगरभूंय | प्रतिनिधी
केंद्राचीं नवीं मार्गदर्शक तत्वां जारी
नवी दिल्ली: केंद्र सरकारान ‘वंदे मातरम’ संबंदी नवीं मार्गदर्शक तत्वां जारी केल्यांत. गृह मंत्रालयाच्या आदेशा प्रमाण, आतां जेन्ना ‘वंदे मातरम’ खंयच्याय सरकारी कार्यावळींत, सरकारी शाळांचे कार्यावळींनी वा हेर कसल्याय सुवाळ्यांनी वाजयतले, तेन्ना ताका मान दिवपा खातीर दरेकल्यान उबें रावप गरजेचें आसतलें. मेळिल्ले म्हायतीप्रमाण, राष्ट्रगीत म्हणून वंदे मातरमच्या स कडव्यांचीं ३ मिनटां आनी १० सेकंदांची आवृत्ती राष्ट्रगीत ‘जन गण मन’ च्या पयलीं वाजयतलीं, हाका लागून सन्मान आनी राष्ट्रीय भावनेचो स्पष्ट संदेश मेळटलो.
बावटो हुबयतना कार्यावळींत राष्ट्रपती येवचे पयलीं आनी उपरांत, राष्ट्राक उद्देशून तांचीं भाशणां आनी संबोधनां पयलीं आनी उपरांत, तशेंच राज्यपालांच्या आगमना पयलीं आनी उपरांतच्या भाशणा सयत खुबश्या अधिकृत प्रसंगाचेर वंदे मातरम वाजयतले.
पद्म पुरस्कार समारंभा सारकिल्ल्या नागरी पुरस्कार सुवाळ्यांनीवा राष्ट्रपती हाजीर आशिल्ल्या खंयच्याय कार्यावळींतूय वंदे मातरम वाजयतले. तशेंच, सिनेमा हॉलांक नव्या नेमांतल्यान काडून उडयलां.
थेटरांनी चित्रपट सुरू जावचे पयलीं ’वंदे मातरम’ वाजोवप आनी उबें रावप सक्तीचें आसचें ना. अधिकार्यांच्या मतान हे नवे निर्देश ’वंदे मातरम’च्या सन्मानाची स्पश्ट दिका दिवपा खातीर तयार केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
