भांगरभूंय | प्रतिनिधी
खात्यान केलो तपास अहवाल सादर : वीजमंत्री ढवळीकार
पणजी : होंडा जनरेटरांतल्यान रिव्हर्स वीजप्रवाह आयिल्ल्यान शटडावन आसतनाय काम करतना लायनमनाक शॉक आयलो. लायनमनाच्या मरणाचें हें एक कारण आसा. हाका लागून जतनायेचे उपाय म्हणून खात्यान जनरेटर, इन्वर्टरा खातीर नोंदणी आनी सुरक्षेचे उपाय सक्तीचे केल्यात. वीजमंत्री सुदिन ढवळीकार हांणी ही म्हायती दिली.
मेच्या निमाणे कडेन होंडा विजेचें दुरूस्ती काम करतना लायनमन चंद्रू गांवकार हाका शॉक लागून मरण आयिल्लें. शॉक लागपाच्या कारणांचो सोद घेवपा खातीर खात्यान अभियंत्यां वरवीं चवकशी करून अहवाल तयार केला. शॉक लागपाचीं जीं जायतीं कारणां आसात, तातूंत रिव्हर्स करंट हे एक कारण आसा. ह्या अहवालांत लायनमनाचे सुरक्षे खातीर विवीध उपाय योजना सुचयल्यात. जनरेटर तशेंच इन्वर्टरची नोंदणी करपाक सुरक्षेचे उपाय सुचयल्यात. जनरेटर तशेंच इन्वर्टरांक स्वतंत्र स्वीच बसोवपाची शिफारस केल्या. हे शिफारशी उपरांत जनरेटर, इर्न्वटरांक नोंदणी तशेंच सुरक्षेचे उपाय सक्तीचे केल्ल्याची म्हायती वीजमंत्री सुदिन ढवळीकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
