भांगरभूंय | प्रतिनिधी
पणजी, प्रतिनिधी : प्रा. सुभाष वेलिंगकार हांणी सेंंट फ्रान्सिस झेवियर हांचे विशीं केल्ल्या वक्तव्याक लागून फकत क्रिस्तांव न्हय हेर धर्मांतल्या लोकांच्योय भावना दुखवल्यात. राज्या मुखार पर्यावरणाच्या इबाडा सयत हेर जायत्यो समस्या आसात. ह्या समस्यांंकडेन आड नदर जावपाक जायना. प्रा. सुभाष वेलिंगकार हांंच्या वक्तव्याचो जनतेन शांतिकाय राखून निशेध करचो, असो चर्चीन मारला.
कौंंसिल फॉर सोशियल जस्टीस ऍन्ड पीस (सीएसजेपी) संंस्थेचे कार्यकारी सचीव फादर सावियो फर्नांंडीस हांणी हे विशीं पत्रक जारी केलां.
प्रा. सुभाष वेलिंगकर हांणी सेंंट फ्रान्सीस झेवियर हांचो जो अपमान केला, ते विशीं सरकारान कायद्या प्रमाण कारपाक जाय. राज्यांतलो धर्मीक एकवट कायमचो उरपाक जाय. हे खातीर जनतेन शांंतिकायेन निशेद करपाक कसलीच हरकत ना.
पर्यावरणाक माल पडपी जायत्यो गजाली राज्यांत घडटात. हाचे आड गोंयचे जनतेचो लढो चालूच आसा. फुडारा खातीर गोंय सुरक्षीत दवरपाचें सगळ्यां मुखार एक आव्हान आसा. ह्या प्रस्ना कडेन आड नदर करची न्हय. ताका लागून सगळ्यांनी शांतिकाय बाळगुची, असो उलो चर्चेन मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
