भांगरभूंय | प्रतिनिधी
नवी दिल्ली, खबरां संस्था: केंद्रीय गृह मंत्रालयान मंगळारा लोकसभेक सांगलें, जनगणना २०२७ ची प्रक्रिया दोन टप्प्यांत जातली, जाची सुरवात २०२६त घरांची वळेरी करप आनी घरांचो डेटा एकठांय करपा पसून जातली.
विरोधी पक्ष फुडारी राहुल गांधी हांच्या एका प्रस्नाचे लेखी जापेंत तपशील दितना, गृह राज्यमंत्री नित्यानंद राय हांणी सांगलें, पयल्या टप्प्यांत गृहगणना आनी दुसर्या टप्प्यांत लोकसंख्येची गणना करपी.
पयलो टप्पो एप्रील ते सप्टेंबर २०२६ मजगतीं ३० दिसांनी पुराय जातलें. हे खातीर राज्यां आनी केंद्रशासीत प्रदेश वेळापत्रक थारायतले. दुसरो टप्पो, जातूंत लोकसंख्येची गणना जातली, तो फेब्रुवारी २०२७ त जातलो.
जनगणना २०२७ चे वेळापत्रक फाटल्या जनगणनेंत वापरिल्ल्या पद्धतीं प्रमाणूच दवरलां. मंत्रालयाच्या मतान, १ मार्च २०२७ दिसा रातीं १२ वरांचेर पुराय देशांत गणने खातीर संदर्भ तारीख आसतली.
तशेंच, लडाख आनी जम्मू-काश्मीर, हिमाचल प्रदेश आनी उत्तराखंडच्या बर्फाळ प्रदेशां खातीर, लोकसंख्येची गणना सप्टेंबर २०२६त करतले. १ ऑक्टोबर २०२६ ही संदर्भ तारीख मानतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
