भांगरभूंय | प्रतिनिधी
पावसाळो सुरू जातकच वेगवेगळीं दुयेंसां जावपाचो धोको वाडटा. पावसाच्या हंगामात जोर, थंडी, डेंग्यू सारकिल्ले दुयेंती व्हड प्रमाणांत मेळटात. देखून ह्या काळांत निरोगी रावपा खातीर स्वताची राखण करप म्हत्वाचें. जायत्या कारणांक लागून पावसाळ्यांत फ्लूचे दुयेंती वाडतात.
फ्लूचे दुयेंती वाडटात ताचें मुखेल कारण म्हळ्यार ह्या हंगामांत ओलसाण वाडप आनी तापमान थंड जावप हांचो आस्पाव जाता, जाका लागून इन्फ्लूएंझा व्हायरसांची वाड आनी प्रसार जावपाक पोशक वातावरण तयार जाता. ते भायर ह्या काळांत लोक घरांत एकामेकांक लागीं चड वेळ घालयतात, जाका लागून व्हायरस पातळपाक सोंपें जाता.
फ्लूचीं लक्षणां…
खोकली, तकली दुखप, चड जोर येवप, थंडसाण जाणवता, आंग दुखप, ताळो दुखप, मळमळ आनी ओंकारी येवप, खूब थकवो जाणवप, नाक व्हांवप वा बंद जावप.
फ्लू टाळपा खातीर ह्यो पद्दती पाळच्यो –
१. फ्लूची लागण जावची न्हय म्हूण सगळ्यांत म्हत्वाचें म्हणल्यार नितळसाण सांबाळप.
२. खास करून खोंकली वा शिंकले उपरांत शाबू, हँड सॅनिटायझर वा उदकान नेमान हात धुवचे.
३. तोंडाक हात लावप टाळचें खास करून दोळे, नाक आनी तोंड कारण हे व्हायरसाचे प्रवेश बिंदू आसात.
४. दाराचे हँडल, लायटीचे स्वीच आनी मोबायल फोन सारकिल्ल्यो वारंवार स्पर्श जावपी वस्तू निवळ करत रावात.
५. तशेंच फ्लूची लागण जावची न्हय म्हूण वर्सुकी फ्लूची लस घेवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
