भांगरभूंय | प्रतिनिधी
जशपूर, खबरां संस्था: छत्तीसगढच्या जशपूर जिल्ह्यांत जाल्ल्या भिरांकूळ अपघातांत पांच इश्टांक मरण आयलें. ६ डिसेंबराक शेनवारा रातीं एनएच-४३ पतराटोली लागसार हो अपघात जालो. मनोरा पुलीस स्टेशन हद्दींतल्या मेळ्यांतल्यान परत येवपी आय-२० कार आनी मुखारच्यान येवपी ट्रेलरान एकामेकाक मुखार धपको दिलो.
हो पको इतलो नेटान बसलो, गाडयेंत आशिल्ल्या सगल्या ५ तरणाट्यांक थंयच मरण आयलें. गाडयेचो फुडलो भाग पुरायपणान नश्ट जावन लोखणाचो चुरो जालो. प्रत्यक्षदर्शींनीन दिल्ले म्हायती प्रमाण दोनूय गाडयो वेगान वताल्यो. दुलदुला पुलीस स्टेशनाचे हद्दींत ही घडणूक घडली.
मेळिल्ले म्हायती प्रमाण, हे सगले तरणाटे एकाच गांवचे. जात्रेंत सांस्कृतीक कार्यावळ पळोवन ते घरा परतताले. कार्यावळ सोंपतकच घरा वतना तांची गाडी बीच वेगान रस्त्यार वताली. वेगान वतना पत्रोली लागसार अचकीत गाडये मुखार ट्रेलर दिसलो तेन्ना गाडयेवेले चालकाचें नियंत्रण गेलें आनी हो अपघात घडलो. हातूंत गाडयेंत आशिल्ले पांचूय इश्ट सोंपले. हे विशीं पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
