भांगरभूंय | प्रतिनिधी
कांकेर: छत्तीसगढच्या कांकेर जिल्ह्यांत काल रातीं उसरां जाल्ल्या भिरांकूळ अपघातांत एकाच कुटुंबांतल्या स जाणांक मरण आयलें. जाल्यार तीन जाण गंभीर जखमी जाले. राष्ट्रीय म्हामार्ग-३०चेर दोन गाडयांनी एकामेकाक धपको दिल्ल्यान हो अपघात जालो. ही घडणूक कोतवाली पुलीस स्टेशनाच्या हद्दींत घडली.
मेळिल्ले म्हायती प्रमाण हें कुटुंब कांकेर जिल्ह्यांतल्या उडकुडाचें रावपी आशिल्लें. चिवरांजांतल्या लग्नाक हाजीर रावून ते आपल्या गांव उडकुडाक परततना नाथिया नवागांव लागसार तांचे गाडयेन दुसरे गाडयेक धपको दिलो अशी म्हयती मेळ्ळ्या.
ह्या आपघातांत गाडयेंतल्या एकाच कुटुंबांतल्या तीन बायलां, दोन दादले आनी एका भुरग्याक मरण आयलें. जाल्यार दुसरे गाडयेंतले तीन जाण गंभीर जखमी जाले. ह्या धपक्याक लागून दोनूय गाडयांचें व्हड प्रमाणांत लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
