भांगरभूंय | प्रतिनिधी
तेलंगणांत २० जाण शरण
हैदराबाद, खबरां संस्था: नव्या वर्साचे सुरवातेकूच नक्षलवाद्यां आड सुरक्षा दळांक व्हड येस आयलें. छत्तीसगडच्या बस्तर विभागांतल्या सुकमा आनी विजापूर जिल्ह्यात शेनवारा दोन कडेन जाल्ले फारपेटींत १४ नक्षलवादी सोंपले. हातूंत वेट्टी मंगडू आनी मडवी हुंगा ह्या वॉंटेड नक्षलवाद्यांचोय आसपाव आसा. दुसरे कडेन तेलंगणांत २० नक्षलवादी पोलिसां मुखार शरण आयले.
सुकमांतले पयले फारपेटींत १२ नक्षली सोंपले. किस्टाराम भागांतल्या रानांत शेनवारा सकाळीं सुमार ८ वराचेर फारपेट जाली. हातूंत मरण आयिल्ल्या मदीं ५ बायलो नक्षली आसात. घडणुके सुवातेवेल्यान एके-४७, इन्सास, सेल्फ लोडिंग रायफल्स अशीं आधुनीक शस्त्रां जप्त केलीं. ताचे पयलीं दुसरे एके कारवायेंत विजापूर जिल्ह्यांतल्या गगनपल्ली गांवां लागसारच्या रानांत शेनवारा सकाळीं ५ वरांचेर फारपेट जाली. हातूंत २ नक्षलवाद्यांच्यो कुडी सांपडिल्ल्यान तांची वळख पटूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
