भांगरभूंय | प्रतिनिधी
रायगड, खबरां संस्था: तांदूळ चोरिल्ल्याच्या दुबावा वेल्यान एका दलीत मनशाक झाडाक बांदून बरोच बडयलो. ह्या मारपेटांत ताका मरण आयलें. ह्या प्रकरणांत पुलिसांनी तिगांक अटक केल्या. छत्तीसगडांतल्या रायगड जिल्ह्यांत आयतारा ही घडणूक घडली. समाजीक कार्यकर्ते हे मॉब लिंचिंग आशिल्ल्याचें म्हणटात. मजगतीं पुलिसांनी तिगांक अटक केल्या. तांचेर भारतीय न्याय संहितेच्या खाला गुन्यांव दाखल केला.
नेमकें कितें घडलें?
ही घडणूक रातीं सुमार २ वरांचेर दुमारपल्ली गांवांत घडली. पुलिसांनी दिल्ले म्हायती प्रमाण, एका मनशाक तांदूळ चोरपाच्या दुबावावेल्यान मारपेट केली. सारथी अलियास बुटू अशें मरण आयिल्ल्याचें नांव. ताका अजय प्रधान आनी अशोक प्रधान ह्या दोगां सयत आनीक एकल्यान तांदळाचो साक चोरिल्ल्या दुबावावेल्यान झाडाला बांदलो आनी ताका खोंटी- मुठी मारून मारपेट केली. हे घडणुकेंत ताका मरण आयलें.
पुलीस सुत्रांनी कितें सांगलें?
ही घडणूक घडले उपरांत सरपंचान पुलिसांक हे विशीं म्हायती दिली. पुलिसांनी घडणुके सुवातेर धांव घेतली. तांणी पळयलें, सारथी हे झाडा बांदिल्ले अवस्थेंतूच आसात आनी बेशुद्ध जाल्यात. हातूंत ताका मरण आयिल्लें. ह्या प्रकरणांत आनीक कोणाचो हात आशिल्लो काय, हाचो सोद पुलीस घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
