भांगरभूंय | प्रतिनिधी
नवी दिल्ली, खबरां संस्था ः भारतान 2024 वर्सा 255 कोटी किल च्याची निर्यात (India Tea Exporter) केल्ली. हाचे वांगडा भारतान श्रीलंकेक फाटीं घालून संवसारांतलो दुसरो व्हडलो च्या निर्यात करपी देश थारलो. हे वळेरेंत केनिया पयल्या क्रमांकाचेर आसा. भारताची च्या निर्यात 2024 वर्सा 255 कोटी किलोग्राम मेरेन पावली, जी 10 वर्सांतली सगळ्यांत चड आसा. 2023 वर्सा नोंद जाल्ल्या 231.69 दशलक्ष किलोग्रामाच्या आंकड्यां परस 2024 वर्सा देशाची निर्यात 10 टक्क्यांनी वाडल्या. भारतीय च्या मंडळान हे विशीं आंकडेवारी दिल्या.
जायत्या बाजारपेठेंत प्रवेश
भारताच्या निर्यातीचें मोल 2023 वर्सा 6,161 कोटी रुपया आशिल्लें तें 2024 वर्सा 7,111 कोटी रुपया जालें, जे 15 टक्क्यांनी वाडलां. इराकांत निर्यात व्हड प्रमाणांत वाडल्या जाचो 20 टक्के वांटो च्या निर्यातींत आसा. श्रीलंकेचें पीक उणें जालें तेन्ना अस्तंत आशियांतल्या जायत्या बाजारांत प्रवेश केल्ल्या भारतीय निर्यातदारांनी थंय आपलो म्हाल धाडपाचे प्रमाण तिगोवन दवरलां.
अमेरिका आनी ब्रिटन मुखेल बाजारपेठ
भारत 25 परस चड देशांक च्या निर्यात करता. तातूंत युएई, इराक, इराण, रशिया, अमेरिका आनी ब्रिटन हीं ताचीं मुखेल बाजारपेठ. संवसारांतल्या पयल्या पांच च्या निर्यात करपी देशांमदीं भारत आसा. जी वट्ट संवसारीक निर्यातींतली 10 टक्के आसा. भारतांतली आसाम, दार्जिलिंग आनी निलगिरी च्या संवसारांतली सगळ्यांत बरी च्या मानतात. भारतांतल्यान निर्यात जावपी चडशी च्या ‘ब्लॅक टी’ आसून वट्ट निर्यातींतली सुमार 96 टक्के वांटो आसा.
आसाम व्हॅली आनी कचार हे आसामांतले च्या पिकोवपी दोन प्रदेश. अस्तंत बंगालांतले डूअर्स, तराई आनी दार्जिलिंग हे तीन मुखेल च्या पिकोवपी प्रदेश.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
