भांगरभूंय | प्रतिनिधी
नाशिक, खबरां संस्था: देड वर्साच्या बाळकाक खतखतीत च्या आंगार पडिल्ल्यान उपचारा वेळार ताका मरण आयलें. जेलरोड- नाशिक हांगा ही घडणूक घडली.
जखमी जाल्ल्या त्या बाळकाचेर १२ दिसां सावन उपचार सुरू आशिल्ले. निमाणी ताची मरणा कडेन सुरू आशिल्ली झुंज अपेशी थारली. ओरान मुसा शेख अशें ताचें नांव. दत्तमंदिर वाठारांत ही घटना घडली.
हे विशीं चड म्हायती प्रमाण, ६ फेब्रुवारीक घरांत खेळपी देड वर्सां पिरायेच्या ओरानान हट्ट करीत आपले आवय आपल्याक धरपाक सांगलें. सांजेवेळार ६ वरांचेर ताची आई घरांतल्यां खातीर च्या करताली. तिणें च्याचें आयदण हातांत धरलें तेन्ना अचकीत ओरानान आयदणाचें हॅण्डल ओडलें. खतखतपी च्या ताचे छातयेर आनी पोटार पडून तो २५ टक्के हुलपलो. कुटुंबान ताका मुंबईनाका खाजगी हॉस्पिटलांत दाखल केलो. उपचारा मजगतीं ताचे भलायकेंत मात्शीं सुदारणा जातना दिसतनाच दनपरां ताका मरण आयलें. ओरानाचो बापूय मुसा हो भंगार गाडो चलोवन कुटुंबाचें पोट चलयता. अर्थीक स्थिती वायट आशिल्ल्या ह्या कुटुंबाच्या पुताक मरण आयिल्ल्यान पुराय वाठारांत दुख्ख पातळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
