भांगरभूंय | प्रतिनिधी
जून 1975 ते मार्च 1977 ह्या काळांत देशाचेर लादिल्ली आणोबाणी ही लोकशायेचो गळो चेपपी व्हडली घडणूक आशिल्ली. देशांतल्या जनतेन आनी विशेश करून तरणाट्यांनी सत्याग्रहाच्या मार्गान विरोध करून आपलो निशेध नोंदपाचें काम केल्लें. बेचाळीसच्या स्वातंत्रतायेच्या आंदोलनांत जितल्या लोकांक अटक जाल्ली, ताचे परस चड जाणांक ह्या आणीबाणीच्या काळांत स्थानबद्धतेची शिक्षा जाल्ली.
लोकनायक जयप्रकाश हांच्या आदेशा वरवीं 12 नोव्हेंबर 1975 ह्या दिसा लोकतंत्र सेनानी संघाच्या कार्यकर्त्यानी पणजी आनी मडगांव ह्या दोन शारांनी सत्याग्रह केल्लो. मागीर तांकां अटक जाल्ली. ह्या सगळ्यांचो परिणाम म्हणून त्या काळाची प्रधानमंत्री श्रीमती इंदिरा गांधी हांकां लोकसभेची वेंचणूक घेवची पडली. लोकशाये खातीर लडाय केल्ल्या सैन्याचो योग्य असो सन्मान जावचो ही काळाची गरज जावन आसा. आनी म्हणूनूच पणजे कॅफे भोसलेच्या मुखा वयलो चौक, ज्या जाग्यार लोकशाये खातीर सत्याग्रह जाल्लो, त्या चौकाचे पणजी महापालिकेन ‘लोकतंत्र सेनानी चौक’ अशें नामकरण करून शाराची शान वाडोवची.
दत्ता भि. नायक
9422434281
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
