भांगरभूंय | प्रतिनिधी
भांगरभूंय । प्रतिनिधी
वाळपयः चोर्ला घाटांत गोंयचे हद्दींत कर्नाटकांतल्या एका टॅम्पो ट्रव्हलराक शुक्राराक दनपारां अपघात जालो. तातूंत एका प्रवाश्याक जाग्यारूच मरण आयलें जाल्यार 13 जाणांक गंभीर दुखापत जाली. तांचेर साखळेच्या समाजीक हॉस्पिटलांत प्राथमीक उपचार करून उपरांत कांय जाणांक बांबोळे जीएमसींत दाखल केलें.
केए 57 बी 7471 व्हो टॅम्पो ट्रव्हलर बेळगांवच्यान गोंयांत येतालो. चोर्ला घाट वाठारांत गोंयच्या हद्दींत ड्रायव्हराचे नियंत्रण वचून टॅम्पोन रस्ताचे एके घडेक नेटान धपको दिलो. ताका लागून प्रवासी गंभीर जखमी जालें. शिवानंद सज्जन (38) ह्या बन्नती बागलकोट हांगच्या प्रवाशांक थंयच मरण आयलें. सतीश पोतदार (41), शिरीष पोतदार (3), लक्ष्मी मोर्तू (21), श्रीशल कोटी (43), मालेश मातेश होसमण्णी, वैभव सज्जन (5), व्यंकप्पा नारेली (49), पार्वती सुरेश मोर्तू (38), श्रीधर सुतार (3क्ष) हे जमखंडचे प्रवासी तशेंच शिवानंत तेली (36) आनी महादेव श्रीगट्टी (28) हे जखमी जाले. तांचेर साखळे मुळावे उपचार करून उपरांत तांकां जीएमसीत धाडलें. वाळपय पुलिसांनी अपघाताचे सुवातेर वचून मजतकाम करून जखमीक साखळे हॉस्पिटलांत पावयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
