भांगरभूंय | प्रतिनिधी
बेळगांव: कर्नाटकांतल्यान चोर्ला घांट मार्गान गोंयांत आडसरांची येरादारी करपी महिंद्रा बोलेरो पिकअपीक आयज मंगळारा सकाळीं सुमार ४ वरांचेर अपघात जावन उजो लागलो. हे घडणुकेंत कोणाक कांय जावंक ना.
एका व्हडल्या वोल्तार अदमास चुकून चालकाचें नियंत्रण वचून वाहनांतल्या आडसरांचो भार पडिल्ल्यान पिकप एके वटेन उमथलो. उपरांत डिजल गळून अचकीत उजो लागलो. पुराय पिकप लासून गोबोर जालो.
अपघाता वेळार दाट धुकें आशिल्लें. हाका लागून चालकाक रस्त्याचो अदमास येवंक नाशिल्ल्यान हो अपघात जालो. हे घडणुकेची म्हायती मेळटांच उजो पालोवपी दळान येवन उजो पालयलो. ह्या उज्यांत आडसरां आनी वाहनाचें मेळून पांच लाख रुपयांचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
