भांगरभूंय | प्रतिनिधी
बेळगांवः गोंय- बेळगांव म्हामार्गार आशिल्ल्या चोर्ला घांटांर आयज सकाळीं म्हाल येरादारी टेम्पो आमी पल्सर मोटारसायकलीं मदीं अपघात जालो. अपघाता उपरांत टेम्पो ड्रायव्हरान पळ काडलो. हातूंत विक्रम कोळेकार (२८, कणकुंबी, कर्नाटक) ह्या तरणाट्याक मरण आयिलें.
मेळिल्ले म्हायती प्रमाण, अपघाता उपरांत चार वरां विक्रमाची कूड रस्त्यार पडून आशिल्ली. ह्या काळांत पुलीस वा एॅम्ब्युलन्स थंय पावूंक ना. विक्रम म्हापशेंचे बँकेंत काम करतालो. तो शिवजयंती निमतान दोन दिसांची सुटी घेवन गांवांत आयिल्लो. घरांतलीं सगळीं कामां पुराय करून शेनवारा सकाळीं सुमार 7 वरांचेर तो मोटारसायकली वेल्यान गोंयचे वटेन येतालो तेन्ना हो अपघात जालो. फुडली चवकशी खानापूर पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
