भांगरभूंय | प्रतिनिधी
पणजी ः कांय म्हयन्यां आदीं मांद्रेच्या मधलामाज हांगाच्या हनुमान देवळांत जाल्ले चोरी प्रकरणांत अटक केल्ल्या विनोद पटेकार परतून एक फावट वादांत सांपडला. जामीनाचेर सुटले उपरांत तांणी ह्या प्रकरणांतल्या साक्षीदारांक धमकावप आनी तातूंतल्या एका साक्षीदाराक मारपेट केल्ल्याचो आरोप ताचेर आसा. हाका लागून लागून थळाव्या लोकांनी तिडक उक्तायलां.
देवळाच्या अधिकाऱ्यां सयत थळव्यांनी हे संबंदी मांद्रे पुलीस स्टेशनांत कागाळ केल्या. काल रातीं थळाव्या लोकांनी पुलीस स्टेशनाच्या भायर जमून पुलिसांचेर चेंपण हाडले. विनोद पटेकराक बेगोबेग हद्दपार करचो, नाजाल्यार खर निशेध करतले अशी शिटकावणी थळाव्यांनी दिल्या.
विनोद सध्या मांद्रे पुलिसांच्या ताब्यांत आसा आनी ताची चवकशी चलता. मेळिल्ले म्हायती प्रमाण, विनोदाच आड मांद्र्यां, पेडणें आनी दिवचल पुलीस स्टेशनांत वेगवेगळे गुन्यांव नोंद आसात. हे घडणुकेक लागून वाठारांत तणावाचें वातावरण निर्माण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
