भांगरभूंय | प्रतिनिधी
भांगरभूंय । प्रतिनिधी
पणजीः चांबरें- चोडण हाकां जुवारी न्हंयेंतल्या रेंव काडपी एका थळाव्या सयत मूळ उत्तर प्रदेशांतल्या चार कामगारांक पोरणे गोंय पुलिसांनी अटक केली. दरेकी 10 हजार रुपयांच्या हमीचेर उपरांत ताकां जामिनाचेर सोडून दिलें.
चांबरें हांगा रेव काडपाचें काम चलता अशी खबर पुलिसांक मेऴिल्ली. तांणी सोमाराक फांतोडेर 5 वरांचेर चांबरें हांका छापो घातलो. थंय रेंव काडपी जितेंद्र सहाणे, हिरालाल चौहाण, मनीष कुमार सहाणे आनी संदीप सहाणे ह्याच्या सयत जितेंद्र गांवकार हाका अटक केली.
30 रुपये मोलाची रेंव, एक होडें आनी एक ट्रक पुलिसांनी जप्त केलो. हेर कडून काडून दवोरिल्ली सुमार 45 हजार रुपयांची रेंव लेगीत जप्त केल्या. पुलीस निरीक्षक सतीश पडवळकाराच्या मार्गदर्शना खाला उपनिरीक्षक विराज धावसकार तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
