भांगरभूंय | प्रतिनिधी
भांगरभूंय । प्रतिनिधी
पणजी : चोडण, मयें सयत दिवचलच्या लोकांक पूरक थारपी चोडण – साल्वादोर दु मुन्दो पुला खातीर 274.83 कोटींची निविदा जीएसआयडीसीन जारी केल्या. इत्सुक कंत्राटदाराकडल्यान ऑनलायन स्वरूपात बोली मागयल्या. तीन वर्सां भितर पूल बांदपाची अट घाल्या.
चोडण पुला खातीर जमीन संपादनाची प्रक्रिया आजून पुराय जावंक ना. जमीन नांवांर आशिल्ल्या काय जमनींच्या धनयांचो सोद लागूंक नाशिल्ले कारणान कळाव जाता. तरी लेगीत मयें वा दिवचलच्या लोकांची गरज मतीत घेवन पुलाची निविदा जारी जाल्या. मयेंचे आमदार प्रेमेंद शेट ह्या पुलाची फाटपुरवण करीत आसा.
चोडण – रायबंदर फेरी मार्गार सेगीत गर्दी आसता. ह्या मार्गार आता रो रो फेरी सुरू जाल्या आसली तरी गर्दी वाडत आसा. 30- 35 वर्सा सावन पुलाची मागणी जायत आसा. ह्या पुलाच्या गरजे विशीं विधानसभेत लेगीत चर्चा जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
