भांगरभूंय | प्रतिनिधी
बुडापेस्ट : भारतान इतिहासीक कामगिरी करतना 45वे चेस ऑलिम्पियाडांत उक्त्या विभागांत पयलें भांगरा पदक जिखलें. 11व्या आनी निमाण्या फेरयेंत भारताच्या डी गुकेश, अर्जुन एरिगायसी आनी आर. प्रग्गनानंदा हांणी स्लोव्हेनिया आड आपापल्यो मॅची जिखल्यो. संवसारीक वस्तादपण सर्तींत बरो खेळ करपी गुकेश आनी अर्जुन एरिगेसान परतून एक फावट म्हत्वाच्या वेळार बरी कामगिरी करून भारताक उक्त्या गटांत पयलें वस्तादपण मेळोवन दिवपाक मजत केली. उपरांत प्रग्गनानंदान जबरदस्त खेळ करीत अटीतटीचे मॅचींत जैत जोडून भारताचें वस्तादपण निश्चीत केलें. 1 मॅच उरिल्ली आसतनाच भारतान फायनल 3 आड 0 फरकान आपल्या नांवार केली.
ताचें पयलीं भारतान बायलांच्या गटांतूय इतिहास घडयलो. हरिका द्रोणवल्ली, वैशाली रमेशबाबू, दिव्या देशमुख, वंतिका अग्रवाल, तानिया सचदेव आनी अभिजीत कुंटे हांचो आसपाव आशिल्ल्या बायलांच्या पंगडान बुद्दिबळ ऑलिम्पियाडांत भारता खातीर भांगरा पदक निश्चीत केलें. फायनलींत तांणी अझरबैझानाक 3.5 आड 0.5 फरकान हारयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
