भांगरभूंय | प्रतिनिधी
चेन्नय, खबरां संस्था: तामिळनाडूंतल्या चेन्नयच्या अंमलबजावणी संचालनालयान (ईडी) सोमारा कोल्ड्रिफ कफ सिरप करपी श्रीसन फार्मास्युटिकल्स कडेन संबंदीत सात सुवातांचेर छापे घातले. कोल्ड्रिफ सिरप खाल्ल्यान मध्य प्रदेशांत आतां मेरेन 25 भुरग्यांक मरण आयलें.
ईडी अधिकार्यांनी एएनआय हे वृत्तसंस्थेक सांगलें, तांच्या चेन्नय झोनल ऑफिसांतले पंगड एकदांच श्रीसन फार्माच्या वाठारांत छापे घालतात. श्रीसन फार्माचे मुखेल कर्मचारी आनी तामिळनाडू जेवण आनी वखदां प्रशासनाचे अटक केल्ले प्रभारी संचालक पी.यू. कार्तिकेयन हांचेरूय छापे घाले.
जुलय 2025 वर्सा लांच प्रकरणांत तामिळनाडू दक्षता आनी भ्रश्टाचार विरोधी पंगडान कार्तिकेयन हांकां अटक केल्ली. मिश्रण केल्ले कोल्ड-ड्राय सिरपची निर्मिती आनी विक्रे कडेन संबंदीत अर्थीक वेव्हारां विशीं मनी लॉंडरिंग प्रतिबंधक कायद्या (PMLA) खाला ईडीची ही नवीनतम कारवाय जाता.
मजगतीं, मध्य प्रदेश पुलीस आयतारा सांजेवेळार ह्या प्रकरणांतलो मुखेल आरोपी श्रीसन फार्माचे धनी रंगनाथन गोविंदन (75) हाका घेवन तमिळनाडू गेले. हाका 9 ऑक्टोबराक चेन्नयच्या कोडंबक्कमच्या तांच्या अपार्टमेंटांतल्यान अटक केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
