भांगरभूंय | प्रतिनिधी
तपासणे वेळार आरटीओक जाय पुलिसांंची मजत
भांगरभूंय I प्रतिनिधी
पणजी : राज्याच्या शिमे वयल्या चेक नाक्यांचेर रेंव, चिऱ्यांची येरादारी करपी वाहनांंचे परवाने तपासपाक येरादारी खात्यान सुरवात केल्या. हे तपासणे वेळार कायदो सुवेवस्थेचो प्रस्न निर्माण जावपाक लागिल्ल्यान येरादारी खात्यान पुलिसांं कडेन सहकार्याची मागणी केल्या.
राज्यांत रेंव तशेंच चिऱ्यांचो उणाव आसा. पुरवणेचे तुळेंत रेंवेची मागणी वाडिल्यान रेंवेचो दर वाडलां. रेंवेच्या येरादारींत दलाल तशेंच माफियांंचो शिरकाव जाला. रेंव, चिरे, ग्रेनायट, मार्बल हांंची येरादारी करपी वाहनांंचे परवाने चेक नाक्याचेर तपासचे, अशें निर्देश खण खात्यान येरादारी खात्याक दिल्यात.
येरादारी खात्यान चेक नाक्याचेर बुधवार सावन तपासणी सुरू केल्ली. रेंव तशेंच चिऱ्यांंच्या वाहनांंचे चालक तशेंच हेर कामगार येरादारी अधिकाऱ्यांं कडेन दादागिरी करपाक लागले. हाका लागून येरादारी खात्याच्या अधिकाऱ्यांंक संंरक्षण तशेंच कायदो सुवेवस्था राखपा खातीर पुलिसांंची गरज आसा.
ज्या वाहनांंधारकां कडेन त्या त्या राज्याचो परवानो आसा तांंचे कडेन गोंय सरकारच्या खण खात्याचो ट्रान्झिट परवानो आसप गरजेचें. हे विशींची अधिसुचोवणी हाचे पयलीच जारी जाल्या. ट्रान्झिट परवानो नासत जाल्यार राज्यांत रेंव हाडपाचेर बंंदी आसा. चेक नाक्याचेर येरादारी खात्याच्या अधिकाऱ्यांंनी संबंंदींत राज्याच्या परवान्याची तपासणी करची. ह्या परवान्याची एक प्रत दवरून चालकाचें नांव आनी मोबायल नंंबर नोंद करून दवरचो. वाहनाचो फोटे काडचो. उपरांंत खण खात्यान दिल्लो ट्रान्झिट परवानो संंबंंदींत वाहनाक दिवचो. संंबंंदींत राज्याचो परवानो नासत जाल्यार ट्रान्झिट परवानो दिवचो न्हय, अशें खण खात्यान येरादारी खात्याक सांंगलांं.
चवथी वेळार कुडचड्यार बेकायदा रेंव काडटना एकल्याचेर फारपेट जाल्ली. हातूंत एकल्याक मरण आयिल्लें. बेकायदाे रेंवेच्या येरादारीचेर आळो घालपा खातीर चेक नाक्याचेर खर तपासणेचे आदेश खण खात्यान दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
