भांगरभूंय | प्रतिनिधी
शांघाय, खबरां संस्था ः 2021 ते 2022 वर्सा चीनी इंटरनॅट उद्देगांत वट्ट भांडवल गुंतवणूक 4 लाख कोटी रुपयां वयल्यान फकत 83 हजार कोटी रुपया जाली. 2020 वर्सा चीनी इंटरनॅट कंपनींची बाजारपेठ 208 लाख कोटी रुपया आशिल्ली. जी 2022 वर्सा देंवून 116 कोटी रुपया जाली. म्हळ्यार 92 लाख कोटी रुपयांचो उणाव जालो. हाचो परिणाम परकी तंत्रगिन्यान कंपनींचेरूय जाला. 2021 वर्सा लिंक्डइन कंपनी याहून चीनांतल्यान भायर सरपाची घोशणा केली. ते खातीर आव्हानात्मक वातावरणाचो उल्लेख तांणी केलो. 18 म्हयन्यां उपरांत सरकारान 2022 वर्साचे सुरवेक ही कारवाय बंद केली. पूण अशें आसून लेगीत डिसेंबर 2023 वर्सा चीनाच्या गेमींग रेग्युलेटरान गेमींगाचेर आळाबंदा हाडपा खातीर नेम जाहीर केले.
चीन गेमींग कंपनींक लुकसाण
अलीबाबा आनी टेनसेंट सयत मुखेल चीनी कंपनींचें बाजार मोल तीन वर्सां आदीं आशिल्ल्या चडांत चड मोलाच्या 75 टक्क्यांनी देंवलां. हाचे फाटलें कारण म्हळ्यार 2020 वर्सा चीन सरकाराचें खर धोरण. चीन अधिकाऱ्यांनी मक्तेदारी विरोधी खर उपाय चालीक लायल्यात आनी अलीबाबा आनी मीटुआन हांकां व्हड दंड घाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
