भांगरभूंय | प्रतिनिधी
मॉस्को, खबरां संस्था: चीनाचे शिमेचेर एक रशियन प्रवासी विमान कोसळ्ळें. ह्या अपघातांत विमानांतल्या ४९ जाणांक मरण आयलें. ४३ प्रवासी आनी ६ क्रू मेंबर्स आशिल्ले. ५ भुरग्यांचोय आसपाव आसा.
हें विमान रशियाच्या पूर्व अमूर प्रदेशांत उड्डाण करतालें. अमूरचे गव्हर्नर वसिली ऑरलोव्ह हांणी सांगलें, बेपत्ता विमान अंगारा एअरलायन्साचें आसा. थळाव्या आपत्कालीन मंत्रालयान सांगलें, विमान खाबारोव्स्क मार्गान टिंडा वतालें. पावचे पयलीं तें रडार वेल्यान गायब जालें आनी ताचो संपर्क तुटलो.
दुसरे फावट जालें बेपत्ता
विमान टिंडा विमानतळार लँडिंग करपाचो पयलो यत्न अयेसस्वी जालो. दुसरे फावट लँडिंग करपाचो यत्न करतना तें रडारवेल्यान गायब जालें.
विमानतळाच्या कांय किलोमीटर आयल्यान आशिल्ले चौके कडेनूय संपर्क करूंक पावलें ना. टिंडा शार रशियाची राजधानी मॉस्को पसून सुमार ६,६०० किलोमीटर पुर्वेक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
