भांगरभूंय | प्रतिनिधी
चीनाची जू वेंजून हिणें सेगीत चवथे खेपे बायलांची संवसारीक बुद्दीबळ सर्त जिखली. 12वे आनी निमाणे फेरयेंत चॅलेंजर चीनाचेच ली टिंगजेक 6.5-5.5 अशा फरकान हारोवन वस्तादपण जोडलें.
जू वेंजून 2018 वर्सा सावन संवसारीक वस्ताद आसा. पयल्या टप्प्यांत ती फाटीं आशिल्ली. ते उपरांत आठवो डाव जिखून बरोबरी सादली आनी निमाणो डाव जिखून वस्तादपण जोडलें.
निमाणे फेरयेंत धव्या घुलांनी खेळपी वेंजूनान कोले सिस्टम खेळून आपले प्रतिस्पर्धीक धपको दिलो आनी ओपनींग सावन तिणें बरी स्थिती मेळयली. ते उपरांत 62वे चालींत जैत जोडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
