भांगरभूंय | प्रतिनिधी
भारतांतूय भूंयकापाचे झटके जाणवले
तिबेट, खबरां संस्था: चीनच्या तिबेट प्रांतांत मंगळारा सकाळीं जाल्ल्या भुंयकापाक लागून सुमार ५३ जाणांक मरण आयलें. जाल्यार ६२ जाण जखमी जाल्यात. चीनचे खबरां संस्थांनी दिल्ले म्हायती प्रमाण, थळावे अधिकारी हे परिस्थितीचो नियाळ घेतात. मरण आयिल्ल्यांचोय आंकडो वाडतूच आसा.
अहवाला प्रमाण मंगळारा सकाळीं (भारतीय वेळार प्रमाण सकाळचीं ६.३० वरां) जाल्ल्या ह्या भुंयकांपाचो केंद्रबिंदू तिबेटच्या शिजांग गांवांत जमनी पसून १० किलो मिटर सकयल आशिल्लो.
भारतांतूय भुंयकापाचे झटके जाणवले
मंगळारा सकाळीं सुमार ६.३५ वरांचेर दिल्ली-एनसीआर, बिहार आनी अस्तंत बंगालांत भुंयकांपाचे नेटान झटके जाणवले. नॅशनल सेंटर फॉर सिस्मॉलॉजी प्रमाण, रिश्टर स्केलवर ताची खरसाण ७.१ आशिल्ली. भारतांतल्या नेपाळ, भूतान, सिक्कीम आनी उत्तराखंडांतूय भुंयकांपाचो प्रभाव दिसलो. सध्या भारतांत कसलेच तरेचें लुकसाण जावंक ना.
मजगतीं, ही घडणूक दिमा हसाओ जिल्ह्यांतल्या उमारांग्सोच्या कलामती वाठारांत घडली. दिमा हसाओ हो जिल्लो दोंगराळ. ही घडणूक घडला तो भाग सामको किण्ण आसा आनी तो जिल्लो मुख्यालय हाफलॉंग पसून सुमार १५० किलो मिटरांच्या अंतराचेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
