चिलीच्या उंचेल्या पर्वताचेर संवसारांतली व्हडली दुर्बीण
भांगरभूंय | प्रतिनिधी
अटाकामा, खबरां संस्था: पुराय विश्व जायत्या गूढ गजालींनी भरलां. संशोधक तें गूढ उक्ताडार हाडपाचो यत्न करतात. तांचो सोद घेवपा खातीर चिलींतल्या सेरो आर्माजोन्स दोंगराचेर व्हड दुर्बीण तयार करतात. संवसारांतली ही सगल्यांत व्हडली दुर्बीण हें गूढ मुखार हाडटली.
हे दुर्बिणी वरवीं मुखेलपणान हेर गिर्यांचो आनी एलियनांचो सोद घेतले. तिचो मुळावो आरसो १२८ फूट रुंद आसतलो. ताचें वजन २०० टन आसा. दुर्बिणीच्या घुमटा भितर क्रेन तशेंच वाहनां भोंवतलीं इतली सुवात आसतली.
ही दुर्बीण तयार करपा खातीर व्हड घुमट तयार करपाचें काम चलता. ताचे भोंवतणी सुरक्षीत वाठार तयार करतात. ह्या घुमटा भितर दुर्बीण आसतली. २०२८ त ती सुरू करतले.
एक्स्ट्रीमली लार्ज टेलिस्कोप (ELT) अशें हे दुर्बिणीचें नांव. युरोपियन सदर्न ऑब्झर्व्हेटरी (ESO) वरवीं ही दुर्बीण नियंत्रीत करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
