चिऱ्यांचे खणींत बुडून भुरग्यांक मरण
भांगरभूंय | प्रतिनिधी
फोटो – अनील चव्हाणाची कूड भायर काडटना कांसावलेचे थळावे लोक आनी दोतोर.
पणजी ः कांसावले चिऱ्यांचे खणींत शांतीनगर- वास्कोच्या अनील चव्हाण (१६) ह्या भुरग्यांक बुडून मरण आयलें. तो आपले शाळेंतल्या दोन भुरग्यां वांगडा खणींत पेवपाक गेल्लो. पूण, उदकाचो अदमास येवंक नाशिल्ल्यान तो बुडलो. इश्टांनी बोवाळ करून भोंवतणच्या लोकांक आनी पुलिसांक आपयले. उपरांत आनंद लमाणी आनी हेर थळाव्या लोकांनी ताका भायर काडलो. पूण तो मेरेन ताका मरण आयिल्ले.
मजगतीं, भुरग्यांनी पोरण्या चिऱ्यांचे खणीत वचप टाळचें अशें आवाहन लमाणी हांणी केलां. जांकां पेंवपाक येना तांणी तर उदकांत देंवचें न्हय, अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
