भांगरभूंय | प्रतिनिधी
नवी दिल्ली, खबरां संस्था: शिंयाच्या दिसांनी भारतांतल्या खुबश्या शारांनी हवेचें प्रदूशण जाता. स वर्सां आदीं चिनांतलीं शारां संवसारांतल्या सगळ्यांत चड प्रदुशीत शारां मदीं आशिल्लीं. २०१७ वर्सा हवेचो दर्जो ट्रॅक करपी ऍक्युएअर कंपनीन संवसारांत चिनांतल्या ७५ शारांनी आनी भारतांतल्या १७ शारांनी हवेचो दर्जो सगळ्यांत वायट अशें नोंद केलां.
६ वर्सां उपरांत ही परिस्थिती पुरायपणान बदल्ल्या. २०२२ वर्सा चड प्रदुशीत जाल्ल्या १०० शारां मदीं ६५ शारां भारतांतलीं आशिल्लीं, जाल्यार फकत १६ शारां चिनांत आशिल्लीं. चीनान गाडयो आनी कोळसो वीज प्रकल्प उणे करून परिस्थिती सुदारली. एक्यूएअराच्या अहवाला प्रमाण ९ नोव्हेंबराच्या आदल्या ३० दिसांत दिल्लींत PM² २.५ ची सरासरी पातळी बीजिंग परस १४ पटींनी चड आशिल्ली.
फाटल्या सप्तकांत बीएमजेच्या अहवालांत मुखार आयलां की, भारतांत दरवर्सा २१ लाख भारतीय प्रदुशीत वार्याच्या प्रदुशणाक लागून मरतात. २०१९ त हो आंकडो फकत १६ लाख आशिल्लो. जुनांत प्रकाशीत जाल्ल्या संवसारीक बँकेच्या अहवाला प्रमाण भारतांत दर वर्सा बारीक कण वाडिल्ल्यान देशाच्या जीडीपीक वसुर्र्की ०.५६% लुकसाण सोसचें पडटा. हाका लागून कामगारांची उत्पादकता उणी जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
