भांगरभूंय | प्रतिनिधी
बिजींग, खबरां संस्था : चिनाच्या शान्झी प्रांतांत घोग्यांनी पडपी पावसाक लागून म्हामार्गावेलो पूल कोसळून सुमार १२ जाणांक मरण आयलें. जाल्यार हेर ३१ जाण बेपत्ता आसात. सिचुआन प्रांतांत अटंगराच्या पावसा उपरांत अचकीत आयिल्ल्या हुंवारांत ३० परस चड लोक बेपत्ता आसात.
हे विशीं चड म्हायती प्रमाण, शान्झी प्रांतांत घोग्यांनी पावस आनी अचकीत हुंवार आयिल्ल्यान जिंकियान न्हंयवेल्या पुलांचो कांय भांग शुक्रारा रातीं सुमार पावणे णव वरांचेर कोसळ्ळो. रेस्न्यू पंगडाच्या कर्मचार्यांक १२ कुडी सांपडल्यो. तशेंच एकल्याक वाटावपाक येस आसलें.तशेंच ह्या अपघारांत १७ गाडयो आनी आठ ट्रक न्हंयेंत कोसळ्ळे. तांतलीं सात वाहनां सांपडल्यां. बेपत्ता ३१ लोकांचो सोद घेवप सुरू आसा. सिचुआन प्रांतांत झिन्हुआ गांवांत अचकीत आयिल्ल्या हुंवाराक लागून ३० परस चड लोक बेपत्ता आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
