भांगरभूंय | प्रतिनिधी
पणजी : चिखले २३ मेक रातीं उसरां जाल्ल्या अपघातांत गंभीर जखमी जाल्ल्या राणी बिंद (३५) हिका काल (३१ मे) गोमेकॉंत उपचारा मजगतीं मरण आयलें. ती फाटल्या आठ दिसां सावन मरणा कडेन झुजताली.
ही घडणूक चिखलेच्या मुखेल रस्त्याचेर घडिल्ली. राणी बिंद ही आपल्या पोशिल्ल्या सुण्या सयत भायर सरिल्ली तेन्ना वेगान आशिल्ले गाडयेन तिका धपको दिलो. ह्या धपक्यान सुण्याक जाग्यारूच मरण आयिल्लें. मात राणी गंभीर जखमी जाल्ली. अपघाता उपरांत तेच गाडयेन आनीक दोन गाडयांक धपको दिलो आनी थारली. राणी हिका रोखडीच गोमॅकोंत दाखल केेल्ली. तिचेर सप्तकभर उपचार चालूच आशिल्लो. तरी तिका वाटावप शक्य जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
