भांगरभूंय | प्रतिनिधी
चिकलठाणा, खबरां संस्था: चिकलठाणा (औरंगाबाद- महाराष्ट्र) हांगाचे कामगार कॉलनींत काल धर्मीक तणाव निर्माण जालो. ‘आमचे प्रार्थने वेळार हांगाच्या हनुमान देवळांतल्या आरतींचो आवाज उणो करचो’ अशें कांय तरणाट्यांनी सांगलें. दोनूय पंगडां मदीं वाद जालो. ही घडणूक कळ्ळे बरोबर वाठारांत व्हड गर्दी जमली. ‘जय श्री राम’ अशे नारे सुरू जाले. सुमार तीन वरां कायदो आनी सुवेवस्थेचो प्रस्न आशिल्लो. पूण पुलिसांच्या वेळार हस्तक्षेपाक लागून वाद वाडूंक ना.
चिकलठाणाच्या हनुमान देवळांत दर दिसा सांजवेळार ७.३० वरांचेर आरती करतात. ह्या देवळा लागसारा दुसऱ्या धर्माचें पुजास्थान आसा. थंयच्या कांय तरणाट्यांनी ‘आमचे प्रार्थने वेळार मोट्यान आरती करची न्हय’ असो आग्रो धरला अशें देवळांतले तरणाटे सांगतात. दुसर्या पंगडाक देवळांतल्या तरणाट्यांनी आव्हान दिलें आनी ताका लागून दोनूय पंगडांत वाद निर्माण जालो. उपरांत ही गजाल मारामारी मेरेन पावली.
एका ल्हान वादाक लागून अति उत्साही तरणाट्यांनी वातावरण इबाडपाचो यत्न केलो. पूण पुलीस वेळार पावले म्हणून शांतीकाय पाळप शक्य जालें. कागाळ करपाक सोदपी लोकांनी पुलीस स्टेशनांत येवन कागाळ करची असो उलो पुलिसांनी ह्या वेळार मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
