भांगरभूंय | प्रतिनिधी
भांगरभूंय प्रतिनिधी
पोरणे गोंयः चिंबल पंचायत मंडळान इंदिरा नगरांत तयार केल्ल्य मटेरियल रिकव्हरी फॅसिलिटीचें (एमआरएफ) सोमाराक उक्तावण जालें. संरपंच मनिषा चोपडेकार हिणे पंचायत सचीव राजेंद्र गांवस, उपसरपंच रोझी उत्तुरकरी, पंच मोहन नार्वे, मोहिनी नार्वे, प्रमिला कुंकळ्ळकार आनी वैशाली वेर्णेकार हांचे हाजेरीत ताचें उक्तावण केलें.
एमआरएप बांदपा खातीर 20 लाख रुपया खर्च आयला. तातूंत पंचायत वाठारांतलो सुको कोयर वेगळो करून साठोवन दवोरतले. एमआरएल लागीं रावपी लोकांनी एमआरएफ कडेन व्हडा प्रमाणात कोयर हाडून उडयतले असो हुस्को उक्तायला. लोक ताचे लागी रातयां आनी फातोडेर आपलो कोयर हाडून उडयतात अशें थंय रावपी लोकांनी सांगलें. लोकांनी कोयर हाडून उडोवचो न्हय हें पळोवाक पंचायत पगारी मनीश दवोरतली अशें पंचायत अधिकाऱ्यांनी सांगलें. ह्या वाठारांत सीसीटीव्ही कॅमेरे बसोवपाचोय विचार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
