भांगरभूंय | प्रतिनिधी
पणजी: चिंबला चलपी उड्डाणपुलाच्या बांदकामा खातीर खणिल्ल्या एका खोल फोंडांत बिरेस्तारा एक गाडी पडिल्ल्यान बोवाळ जालो. ह्या अपघातांत गाडयेचो ड्रायव्हर भितर आडकल्लो. उजो पालोवपी दळ आनी आपत्कालीन सेवा कामगारांनी बेगोबेग वचून ताका भायर काडलो.
अधिकार्यांनी दिल्ले म्हायती प्रमाण, ड्रायव्हराक कसलीच दुखापत जावंक ना. व्हड घडणूक टळिल्ल्यान नागरिकांनी सुटकेचो स्वास सोडला. हे घडणुकेची चवकशी सुरू अशिल्ल्यान बांदकाम पांवड्यार सुरक्षिततायेची तपासणी जातली. भौशीक बांदकाम प्रकल्पांचेर योग्य सुरक्षितताय उपाय येवजण आनी सुचवण्यो तक्टे लायल्यात काय नाच, हाचो तपास करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
