भांगरभूंय | प्रतिनिधी
भांगरभूंय । प्रतिनिधी
पोरणे गोंयः चिंबल पंचायत मंडळाचो सरपंच आनी सचिवा आड रिव्होल्युशनरी गोवन्साचो फुडारी अजय खोलकार हाणे दक्षता खात्यान कागाळ केल्या. बेकायदेशीर कामां आड पंचायतींत कागाळ करून लेगीत ताचेर वेळार कारवाय करपाक सरपंच आनी सचिवाक अपेश आयलां अशें कागाळेंत नमूद केला.
आपणे राखणे वणत, जमीन अतिक्रमण आनी इंदिरा नगरांत 20 कलमी कार्यावळ खाला चलिल्ल्या कामां विशी पंचायतींत कागाळी केल्ल्यो. मात ते संबंदी सरपंचान तांकां पंचायतराज कायद्या खाला अधिकार आसतनाय कसलीच कारवाय केली ना. इंदिरा नगरांतल्या बेकायदेशीर कामां संबंदी सादी काम बंद करपाची नोटीस धाडल्या. मात तातूंत खंयच्या कलमा खाला ती धाडल्या ताचो उल्लेख ना अशें खोलकारान पत्रकारांक सांगलें.
सरपंच आनी पंचायत सचिवाक कायद्यान फावो आशिल्ली कारवाय करपाक सांगचे अशी मागणी खोलकारान आपले कागाळेंत केल्या. हे विशीं चिंबलच्या सरपंचाक कडेन संपर्क सादपाचो यत्न केलो तो फळादीक जावपाक शकलो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
