भांगरभूंय | प्रतिनिधी
पणजी : चिंबलचें तळें आनी प्रस्तावीत युनिटी मॉल सुवातेचें उरिल्लें सर्वेक्षण आयज सांजेवेळार जातलें. सर्वेक्षणा उपरांत अहवाल तयार जातलो, ताचे उपरांत हे विशीं मुख्यमंत्र्यां कडेन बसका जातली अशी म्हायती युनिटी मॉला आड आंदोलन करपी ग्रामस्थांनी दिली.
चिंबलच्या तळ्याच्या वाठारांत युनिटी मॉल उबारल्यार ताचो परिणाम तळ्यार आनी वाठाराचेर जातलो. हाका लागून तळ्याचें लुकसाण जातलें. हाचो परिणाम ह्या वाठारांतली शेती आनी पर्यावरणाचेरूय जातलो, असो दावो करीत थळाव्या ग्रामस्थांनी युनिटी मॉल प्रकल्प रद्द करचो हे मागणे खातीर आंदोलन सुरू केलां. युनिटी मॉल प्रकल्प रद्द करपा विशीं मुख्यमंत्री डॉ. प्रमोद सावंत हांचे कडल्यान खर आस्वासन मेळ मेरेन आनी प्रकल्प रद्द जाय मेरेन आंदोलन चालूच दवरपाचें ग्रामस्थांनी थारायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
