भांगरभूंय | प्रतिनिधी
परबीं दोतोर
डाॅ. प्रमोद सावंत
मुख्यमंत्री, गोंय
तुमी मुख्यमंत्री म्हूण सको मारलो, गोंयांक थिराय दिली. राजभास कायदो बदलपाक न्हयकार दिलो. तुमकां शाबासकी दिवपाक ही चीट.
दोतोर, तुमी क्रिकेट खेळ्ळ्यात तें खबर आसा. जल्मान गोंयचे, शणैं गोंयबाबांच्या दिवचल तालुक्यातले. संघ परिवारांतले, शिस्तींतले, आवय- बापायन तुमकां संस्कृताय दिल्ली मुळाव्या शिक्षणातल्यान. तुमी दोतोर तरी मनीसपण विसरुंक नात, तान लागिल्ल्याक उदक दिवपाक उदक दिवचें, गे म्हादयऽऽ तुमीच म्हणचें. वेगळें उदका पुरवण आनी वेवस्थापन खातें 24 एप्रिलाक चालीक लावचें ही म्हजी, तुमची, सगल्यांचीच इत्सा आसा, आरंब जावचोच. आनी एक व्हड सपन तुमचें, भाईंचें पुराय केलें. मदले सुटयेतलें खाण पोटभर, ताज्जें दिवपाचें अक्षय पात्रांतलें. त्या खाणाक कितले पयशे हें विचारचें न्हय. मुगां दाळीची खिचडी, फोव उत्तम. पाव सद्दां नाकाच. उकडिल्ल्या चण्यांचेर टाॅमेटो, बारीक चिरिल्लो कांदो, कोथमीर, बारीक शेव भुरग्यांक दोण्यांनी घालून दिवया, भुरग्यांक मुगांची उसळी उबाळाच्या दिसांनी, व्हेज बिर्याणी बंदखणींतल्यांक दिवची.
दोतोर, तुमकां भावतात मिरची भजीं खंयच्याय वगतार? गिन्यांनी एफडीएक विचाल्ल्यार? नाका तीं पाम तेलांतलीं भजीं अशी जाप मेळटा. प्रस्न विचाल्ल्यार जापो दिवपाक तुमी शिकल्यात, मार्गदर्शी मुख्यमंत्र्यांवरीं तुमीं पावलां मारतात. पायांतले बूट काडून सरस्वतीक वंदन करपाक. मागीर आमी कित्याक शिकचें न्हय? ते गिन्यांनी, तुमीय गिन्यान्यां वांगडा कोडू वखत, किरायतें दिवपाक, पिवपाक शिकल्यात. रशियाक तुमी गेल्ले तेन्ना कुशळकायेची जात्रा पळयल्ली, 2025 वर्सा ती आमी हाडूया. टेस्ला गाडी, कुशळकायेचे जात्रेंतली एक बावली आमगेरय आसा. आमीच न्हय मांडवी, सिद्धी, रिद्धी, पूर्वी, जयंत, अजय, अमेय, अंकिता, अरुंधती, सुवर्णा, सुलक्षणा, गिरीराज, अनघा, अनिकेत, गिरीष, उपेंद्र, एड्डी, बाबुश, साईराज, गौरीश, शोभा, चिरंजीवी, अल्पना, दिप्तेश, दिपेश, रेजिनाल्ड, वालंका, मारिया, सोनिया, प्रियांका, बाबा, रोहन, राकेश, अक्षय, दिव्या, मानसी, सुची, राजू, बिजू, सुकन्या, लक्ष्मी, सुब्बालक्ष्मी, किशोर, किशोरी, जयंती, प्रकाश, मायकल, रौनक, डिलायला तुमकां २४ एप्रिलाक हॅपी बर्थ डे करूंक येतलीं. ताचेआदीं कोण कोण मंत्री, उपमुख्यमंत्री जातले तें सांगात, तिका उपमुख्यमंत्रीपद दिल्यार? ती तर आमची निर्मलाताई प्रधानमंत्री जावपाचे वाटेर आसा.
दोतोर, आमचे प्रधानमंत्री नरेंद्र मोदी परतून गोंयांत केन्ना येतले ते सांगात, आमचे शारदाबाईक हॅपी बर्थ डे करुंक येवशात? जीवेत शरद शतम म्हणूया, नमस्कार करुया. फुलां नाका, उदकाची सुविधा आसा. तानेक च्या नाका, जिलबी नाका, साखर दिल्यार पुरो. गर्दी कित्याक करप? शारदाबाईंचो घराबो केदो व्हड ताची जाणवीकाय आमकां आसा. सवाई, आनंदीबाई, गौराई, करवली तुमच्या आमच्या आमोणेच्या देवां इतलीच बरी. जैताचें गीत गायत दारांत मेणवात पेटोवया. उत्पलबाबाक हाडूया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
