भांगरभूंय | प्रतिनिधी
वाडपी पिराये वांगडा आपले कुडीची योग्य जतनाय घेवप म्हत्वाचें. खास करून पिरायेच्या चाळीस वर्सां उपरांत कुडींतल्या दर एका अवयवाच्या कार्याचेर वेगवेगळी प्रतिक्रिया जाता. चाळीस पिराये उपरांत मेटबॉलिजम रेट मंदावप, हार्मोनल असंतुलन वाडप, काळजाचो रोग, गोडेंमूत आनी हाडां दुबळीं जावपाचो धोको वाडटा. तज्ज्ञांच्या मतान, ही पिरायेंत भलायके कडेन आडनदर करप घातकी आसता.
बरी न्हीद घेवची
तज्ञांच्या म्हणण्या प्रमाण ४० ते ६० वर्सां पिरायेच्या लोकांनी दर दिसा ९ वरां बरी न्हीद घेवपाची गरज आसता. बरी न्हीद कुडीक घटमूक दवरपाक आनी हार्मोनल समतोल दवरपाक आदार करता. तशेंच ७ वरां परस उणी न्हीद घेतल्यार टायप २ गोडेंमूत जावपाचो धोको ९ टक्क्यांनी वाडटा. न्हीद उणी जाल्ल्यान पोटांत चरबी जमप, रोगप्रतिकार शक्त दुबळी जावप, सुरवेक थकप अशे प्रस्न येवंक शकतात.
स्ट्रेंथ ट्रेनिंग करात
पिराये प्रमाण स्नायूंची तांक उणी जाता म्हणून ४० वर्सां उपरांत स्ट्रेंथ ट्रेनिंगचेर आडनदर करची न्हय. चाळीशी उपरांत दर दसकांत कुडींतले स्नायू ३ ते ५ टक्क्यांनी उणे जातात. ते खातीर स्ट्रेंथ ट्रेनिंग गरजेचें आसता. सप्तकांतल्यान उण्यांत उणें दोन फावटीं स्ट्रेंथ ट्रेनिंग केल्यार हाडां घट जातात. तशेंच काळजाच्या दुयेंसांचो धोको १७ टक्क्यांनी उणो जाता.
अनहॅल्दी खावचें न्हय
तुमच्या आहाराची योग्य जतनाय घेवप तितलेंच म्हत्वाचें. प्रक्रिया केल्लें जेवण, चिप्स, सोडा सारकिल्लीं खाणां खाल्यार रगतांतली साकर वाडटा आनी अम्लताय, अपचन, वजन वाडप, काळजाचे दुयेंस ह्या सारक्या दुयेंसांचो धोको वाडटा. ह्या नाश्त्यांत तंतू खूब उणें आसता. हाका लागून पोटाची आनी आंतकड्यांची भलायकी इबाडटा आनी कोलन कॅन्सराचो धोको २० टक्क्यांनी वाडटा.
रगताची तपासणी करची
कुडींत लक्षणां नासली तरी नेमान रगताची तपासणी करप गरजेचें आसता. ह्या चांचण्यांनी जायते लिपिल्ले प्रस्न सोदून काडूंक मेळटात, तातूंत कोलेस्टेरॉल चड, गोडेंमूत जावचे पयलीं, थायरॉयडाचे प्रस्न हांचो आस्पाव जाता. ताका लागून कांय रोगांचेर वेळार उपचार करूं येतात.
ताण उणो करचो
ते भायर पिराय वाडत वचपी ताण टाळचो. चिरकालीन ताण कुडींत कॉर्टिसोलाची पातळी वाडयता, रगतदाब वाडटा आनी प्रकार २ गोडेंमूत जावपाचो धोको ४५ टक्क्यां मेरेन वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
