भांगरभूंय | प्रतिनिधी
-डिसेंबरांत केंंद्र सरकार घेतले निर्णयपणजी : राज्य सरकारच्या समितीची बसका जावन चार वरिश्ठ नागरी सेवा अधिकाऱ्यांंची नांवां आयएएस बढती खातीर शिफारस करपाचे निश्चित जालांं. अमरसेन राणे, सुनील मसुरकार, लेविन्सन मार्टीन आनी मेघनाथ परब हांंच्या नांवांंची शिफारस करपाचो निर्णय जाला. सरकारांतल्या गोपांं कडल्यान ही म्हायती मेळ्ळी.
आयएएस बडटीची शिफारस करपा खातीर स्थापन जाल्ल्या समितीची बसका सोमारा जाली. मुखेल सचीव पुनीतकुमार गोयल हांंच्याच फुडारपणा खाला ही बसका जाली. हांंतूंत सगळ्या वरिश्ठ नागरी सेवा अधिकाऱ्यांंची शिक्षणीक पात्रता आनी अणभवाचो विचार जालो. निमाणे समितीन चार नांवांंची शिफारस करपाचो निर्णय घेतलो.
2016 सावन दर वर्सा पदांं निर्माण जातात ते प्रमाण नागरी सेवा अधिकाऱ्यांंक आयएएस पदाचेर बडटी दिवपाची प्रक्रिया सुरू आसा. अंदूं अमरसेन राणे, सुनील मसुरकार, लेविन्सन मार्टीन आनी मेघनाथ परब हांंकां बडटी मेळपाचे निश्चीत आसा. समितीच्या शिफारसींक राज्य सरकारान मान्यताय दिले उपरांंत वळेरी केंंद्र सरकारा कडेन धाडटात. केंंद्रीय लोकसेवा आयोग शिफारसींची तपासणी करून निर्णय घेता. बडटीचो निर्णय डिसेंबर मेरेन जावपाची शक्यताय गोपांंनी उक्तायली. गोंंय राज्य ऍग्मूट कॅडरांत येता. अरूणाचल प्रदेश, गोंय, मिझोराम आनी संंघशासीत प्रदेशांंच्या आयएएस अधिकाऱ्यांंचे स्वतंंत्र कॅडर आसा. हाका लागून ऍग्मूट कॅडरात उपलब्ध आशिल्ल्या पदांं प्रमाण निर्णय जातलो. ऍग्मूट कॅडरांत नोव्हेंंबर मेरेन आयएएस खातीर पदांंची निर्मिती जातली. हांंतूंत गोंयच्या चार नागरी सेवा अधिकाऱ्यांंक निश्चितपणान संंद मेळटली.
2016 पयली ए के वासनीक, दौलत हवालदार, पी एस रेड्डी, मिहिर वर्धन हांंका आयएएस पदाचेर बडटी मेळ्ळी. हे सगळे जाण आतां निवृत्त जाल्यात. 2016 वर्सा संंदीप जॅकीस, अरूण देसाय आनी स्वप्नील नायक हांंकां आयएएस पदाचेर बडटी मेळ्ळी. हातूंतले संंदीप जॅकीस आतां गोंंयांंत आसात जाल्यार स्वप्नील नायक गोंया भायर आसात. संंजीत रॉड्रिग्ज, संजीव गडकार, यतींद्र मराळकार, नारायण सावंंत, प्रसाद लोलयेंकार हांंकां 2018 वर्सा आयएएस पदाचेर बडटी मेळ्ळी. हातूंतले संंजीत रॉड्रिग्ज आनी प्रसाद लोलयेंकार हांंची हालीच गोंया भायर बदली जाल्या. राज्य सरकारान सेवेंतल्यान मुक्त करूंक नाशिल्या कारणान ते अजून गोंयांंत आसात. संंजीव गडकर आनी यतींद्र मराळकार हे अधिकारी गोंयांं भायर आसा. आयएएस पदाचेर बडटी मेळिल्ले मायकल डिसोझा आनी स्वप्नील नायक हे लेगीत गोंया भायर आसात. काय वर्सां पयलीं आयएएस पदाचेर बडटी मेळिल्ल्या प्रसन्न आचार्य हांंची परतून गोंयांंत बदली जाल्या. ऍग्मूट कॅडरात आयएएस पदा खातीर गोंयचो कोटा आतां 13 आसा. 2019 वर्सा पयलीं तो 10 आशिल्लो. एॅग्मूट केडरांत बडटीच्या आदारान आतां गोंयचे 13 अधिकारी आसप शक्य आसा.
———————-
2016 पयली ए के वासनीक, दौलत हवालदार, पी एस रेड्डी, मिहिर वर्धन हांंका आयएएस पदाचेर बडटी मेळ्ळी. हे सगळे जाण आतां निवृत्त जाल्यात. 2016 वर्सा संंदीप जॅकीस, अरूण देसाय आनी स्वप्नील नायक हांंकां आयएएस पदाचेर बडटी मेळ्ळी. हातूंतले संंदीप जॅकीस आतां गोंंयांंत आसात जाल्यार स्वप्नील नायक गोंया भायर आसात. संंजीत रॉड्रिग्ज, संजीव गडकार, यतींद्र मराळकार, नारायण सावंंत, प्रसाद लोलयेंकार हांंकां 2018 वर्सा आयएएस पदाचेर बडटी मेळ्ळी. हातूंतले संंजीत रॉड्रिग्ज आनी प्रसाद लोलयेंकार हांंची हालीच गोंया भायर बदली जाल्या. राज्य सरकारान सेवेंतल्यान मुक्त करूंक नाशिल्यान ते अजून गोंयांंत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
