चार राज्यांनी डाळबांचें 95 टक्के उत्पादन
भांगरभूंय | प्रतिनिधी
देशांत डाळंबाचें उत्पादन (Pomegranate Production) व्हड प्रमाणांत जाता. देशांत फकत चार राज्यांनी 95 टक्के डाळंबाचें उत्पादन जाता. ह्या फळाचे भलायकेक जायते फायदे आसात. हें आयुर्वेदीक वखद अशें मानतात. दाडिमाष्टक, दाडिमाडी चूर्ण, दाडिमाद्द तेल आदी वखदां मदीं डाळंबाचो उपेग करतात.
महाराष्ट्र पयल्या क्रमांकाचेर
डाळंबांत जायती पोशक तत्व आसतात. तातूंत जीवनसत्वां, तंतू, लोखण, पोटॅशियम आनी झिंक आसता. आनी ह्याच कारणांक लागून डाळंबांची मागणी वर्सभर बाजारांत व्हड प्रमाणांत उरता. भारतांत महाराष्ट्रांत डाळंबाचे सगळ्यांत चड उत्पादन जाता. महाराष्ट्रांतले शेतकार दर वर्सा व्हड प्रमाणांत डाळंबाचे उत्पादन करतात. देशांतल्या वट्ट डाळिंब उत्पादनांत महाराष्ट्राचो वांटो 54.85 टक्के आसा.
डाळिंब हें फळ सगल्या हंगामांत खातात तशेंच हें फळ भलायके खातीर खूब फायदेशीर. महाराष्ट्रा उपरांत गुजरातांत डाळंबाचें उत्पादन जाता. हांगाचे शेतकार 21.28 टक्के डाळंबाचें उत्पादन करतात. डाळींब हें एक अशें बागायती पीक जे एकदां लायल्या उपरांत जायतीं वर्सां फळां दिता. तशेंच ताचीं रोपां रोवपाचो सगळ्यांत बरो काळ म्हळ्यार ऑगस्ट वा फेब्रुवारी ते मार्च. उत्पादनाचे नदरेन भारतांतल्या पयल्या तीन राज्यां मदीं 9.51 टक्के डाळिंब उत्पादना सयत कर्नाटक तिसऱ्या क्रमांकाचेर आसा. राष्ट्रीय फलोत्पादन मंडळाच्या 2022- 23 वर्साच्या आंकडेवारी प्रमाण 8.82 टक्के डाळिंब उत्पादनां सयत आंध्र प्रदेश चवथ्या क्रमांकाचेर आसा. ह्या चार राज्यांनी मेळून 95 टक्के डाळंबाचें उत्पादन जाता.
डाळिंब खावपाचे फायदे…
संशोधनाच्या मतान दर दिसा डाळिंब खाल्ल्यार जायते फायदे जातात. जें दीर्घकालीन दुयेंस, कॅन्सर आनी जायते काळजाचे दुयेंस जावपाची शक्यताय उणी करता. ते भायर सहनशक्ती वाडटली, स्नायू बरे जावपाक गती मेळटली, किडनी स्टोन पसून सुटका मेळटली आनी पचनसंस्था बरी तयार जातली. डाळंबात अँथोसायनिन्स, टॅनिन आनी प्युनिकलागिन हीं बळिश्ट अँटिऑक्सिडंट्स आसतात. हे घटक दाह उणो करपाक आनी दीर्घकाळ भलायकी पसून सुटका दिवपाक बळिश्ट अँटिऑक्सिडंट्स आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
