भांगरभूंय | प्रतिनिधी
वास्को: वेर्णें पुलिसांनी चार दुचाकी चोरांक अटक करून तांचे कडल्यान तीन दुचाकी ताब्यांत घेतल्यात. तांचो आनीक कांय दुचाकी चोरी प्रकरणांत हात बी आसा काय कितें हाचो तपास वेर्णें पुलीस करतात.
कुळें पुलिसांनी दोगां चोरांक ताब्यांत घेवन तांचे कडल्यान सुमार सवाय लाख रुपया मोलाची पल्सर मोटारसायकल ताब्यांत घेतिल्ली. ते सगले जाण वेर्णें पुलीस शिमेंतले आशिल्ल्यान वेर्णें पुलिसांनी तांकां आपल्या ताब्यांत घेतल्यात.
चवकशे वेळार तांणी आनीक दुचाकी चोरिल्ल्याची कबुली दिल्ल्यान ताका रितसर अटक करून, एक स्कूटर आनी एक मोटारसायकल अशीं दोन दुचाकी वाहनां ताब्यांत घेतल्यात. अटक केल्ल्यांचीं नांवां फैयाज अहमद (22, उपासनगर, झुआरीनगर), नदीम मलीक (19, झरीत झुआरीनगर), आरीफ तहसीदार (25, कांसावली), अभिजीत कुनुरे (19) अशीं आसात. वेर्णें पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
