भांगरभूंय | प्रतिनिधी
सगळ्या शाळांनी चांद्रयानाचें प्रक्षेपण विद्यार्थ्यांक दाखोवन एक वेगळीच जागृताय केली. दुबाव ना. हे जागृताये खातीर विद्यार्थी आतां खगोलशास्त्रांत करियर करपाचे मनार घेतले, अशी आस्त. हाची सुरवात करतना मळबांत जे आमकां लुकलुकपी नखेत्रां आसात तांची वळख करून घेवची पडटा. आतां ह्या विशयाचेर तू शिक्षक, पुस्तकां आनी संगणक- मोबायलाचेर म्हायती मेळोवं शकता. गोंयांत तर जुन्ता हाऊसा वांगडा म्हापशें, मोरजी, सांखळे सारक्या वाठारांत हे गिरे पळोवपाक तुमी दुर्बिणीची मजत घेवं शकतात. आदल्या तेंपार खगोलशास्त्र मोगी पणजे जुन्ता हावसांत येताले. ही आवड शाळे सावन लागप गरजेचें. तशेंच तुमकां भुगोलाची आवड आसप खूबच म्हत्वाची. तुमकां दिशेची म्हायती खबर आसल्यार नखेत्रां दिसूं शकतात. रातच्या वेळार आदल्या तेंपार दर्यांत बोटी चलोवपी तारवटी लोकांक हीं नखेत्रां वाट दाखयतालीं. आधुनिक काळांत फोलेर हें काम करतात.
तशें पळोवपाक गेल्यार मळब अख्ख्या संवसारांत आसा, पूण थोडेच देश आकाशाचो अभ्यासाच्या नजरेन उपेग करतात. अमेरिका, रशिया, जर्मनी सारके देश आनी आतां आमचो भारत देशूय हे माळेंत पावला. तुमकां खबर आसूं येता की रशिया आनी अमेरिका हांचे भितर चंद्राचेर कितल्याशेच खेपो वचपाचें करताले. तातून अमेरिकेन 1969 सालान मनशाक व्हरून ताका चंद्रार चलयलो (नील आर्मस्ट्रॉंग) आनी इतिहास निर्माण केलो. ह्या आर्मस्ट्रॉंगाची चड म्हायती तुमका करियराचे नजरेन बऱ्याक पडटली. जशे रशिया स्पुटनिकची मोहीम फुडें व्हरतालें, तशी अमेरिका अपोलो ही मोहीम फुडें व्हरताली. हे मोहिमेची म्हायती इत्सुकांनी जरूर घेवची. अमेरिका भितर ‘नासा’ ही व्हड संस्था. तातून काम मेळचें म्हूण खूबजाण यत्न करतात. ती म्हायती घेवची. मागीर आमच्या देशांत इस्रो सारक्यो दुसऱ्यो संस्था खंयच्यो आसात, तें जाणून घेयात. गोंयांन खंय खंय विज्ञान अभ्यासक संस्था आसात हाची खबर काडात. हें तुमी गुगला वेल्यान तशेच तुमच्या शिक्षकाक विचारून म्हायती घेवंक शकतात.
विज्ञाना भितर मुखेल गजाल म्हळ्यार कुतुहल, क्युरिऑसिटी तशेंच तुमकां प्रस्न पडपाक जाय. आदल्या तेंपार सुकणी आकाशान विहार करता तें पळोवन मनशाकूय सुकण्या सारके आमी केन्ना तरी आकाशान उडपाक शकतले, हो प्रस्न पडलो आनी विमानाचो सोद लागलो. आयज कांय वरांनी आमी संवसारांतल्या खंयच्याय जाग्यार वचूं शकतात. जेन्ना चंद्रीम आमी पळयताले तेन्ना व्हड उमेदीन तो पळयताले, पूण अमेरिकेचे शास्त्रज्ञ ताचेर वचपाक अंतराळवीर कोण मेळत, हाचो विचार करताले. हे सगळे प्रस्न आनी कुतुहलाक लागुनूच जावं शकता. तेन्ना आतां सावनूच हे गुण तुमचे मदीं हाडपाचो यत्न करात. हे खातीर विज्ञान पुस्तकां (सुनीता विलियम्स कल्पना चावला, राकेश शर्मा हांची म्हायती घेयात) आनी लेख वाचपाची संवय लायात. आकाशान गिरे आसात ते दुर्बिणीन पळयात. तांचो अभ्यास करात. आकाशगंगेची म्हायती घेयात. ती घेवप आतां खूब सोंपें जालां. पुस्तकां, शिक्षक आसात आनी तुमचो मित्र गुगल लेगीत आसा. फिजिक्स, गणित हे विशय आवडीचे कशे जातले हांचोय विचार करात. आकाशातले गिरे, नखेत्रांचो अभ्यास जर तुमी करूंक सोदतात तर खगोलशास्त्रा भितर तुमकां करियर करचे पटडलें. रातच्या वेळार दिसपी नखेत्रां वळखपाक जाय. पुस्तकां वाचून, मार्गदर्शन घेवन हें जावं शकता. संशोधक वृत्ती तुमचे भितर आसत तर हातून करियर करूं शकता. आतां इस्रो मंगळ गिऱ्याचो अभ्यास करता. चंद्र मोहीम हालींच पुराय जाल्या चंद्राचेर मनीस व्हरपाची मोख आसा. तेन्ना खगोलशास्त्रान जांचें शिकप जालां तांकां मागणी आसतली. typical courses for a physics or astronomy major include Introductory and Intermediate courses in Mechanics, Electricity and Magnetism, Thermodynamics, Quantum Physics, one or two lab courses, plus one or two advanced physics courses. Math courses – two semesters of Calculus, Linear Algebra, Several Variable Calculus and Differential Equations.अशे विशय तुमच्या अभ्यासक्रमान आसतले हाची खबरदारी घेयात.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
