भांगरभूंय | प्रतिनिधी
मडगांव, प्रतिनिधी ः चांदर कावोरीच्या सरपंच पदाचेर प्रभाग क्रमांक ७ चे पंच बाबाझिनो डायस हांची विरोधा विणें निवड जाल्या. हालींच एस्टेफानियो डायस हांणी राजिनामो दिले उपरांत हें पद रितें जाल्लें. बाबाझिनो हांची निवड जाले उपरांत चांदरच्या लोकांचे आनी सगल्या पंच वांगड्यांचे तांणी उपकार मानले.
गांवचे उदरगती खातीर सगळे सातूय पंच वांगडी एकठांय आसात. उदरगत करपाक आमचे कुंकळ्ळीचे आमदार युरी आलेमांव हांणी पालव दिल्ल्यान तांचे हांव उपकार मानतां. तांच्या मार्गदर्शनान आनी आदाराक लागून गांवची उदरगत करपाक आमकां सदांच मजत जाल्या अशें बाबाझिनो हांणी सांगलें.
बाबाझिनो हांकां परबीं दितना विरोधी फुडारी युरी आलेमांव हांणी सांगलें, सगळ्या पंचांनी लोकांचें मत आयकूंक जाय, जाका लागून बऱ्यो सुविधा मेळपाक मजत जावंक शकता. सरपंच म्हणून विरोधा विणें वेंचून आयिल्ल्यान बाबाझिनो डायस हांकां परबीं. गरजेच्यो सुविधा दिवन समाजाच्या बरेपणाक एकठांय येवन वावुरया अशें आलेमांव हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
