भांगरभूंय | प्रतिनिधी
पणजी ः कुजिरा-सांताक्रूजाच्या एका इमारतीच्या चवथ्या माळ्या वयल्यान पडून जितू तळेकार (50, मुंबई-महाराष्ट्र) ह्या बांदकाम कंत्राटदाराक मरण आयलें. ही घडणूक शेनवारा दनपारां सुमार 1.45 वरांचेर घडली.
घडणुकेची म्हायती मेळटकच पोरणें गोंय पुलीस घडणूक सुवातेर गेले आनी चवकशी करपाक सुरवात केली. खबरां प्रमाण जितू तळेकारान आत्महत्या करपाच्या हेतान चवथ्या माळ्या वयल्यान उडी मारली आसूं येता असो दुबाव आसा.
पोरणें गोंय पुलीस स्टेशनाचे निरिक्षक सतीश पडवळकार आनी उपनिरिक्षक संकेत पोकरे हांच्या मार्गदर्शना खाला ह्या प्रकरणाची फुडली चवकशी सुरू आसा. कूड पोस्टमार्टमा खातीर जीएमसींत धाडल्या. फुडलो तपास सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
