चले आनी चलयांचे राष्ट्रीय खो खोसर्तींत महाराष्ट्राचे पंगड वस्ताद राज जाधव आनी धनश्री कंकाक उत्कृष्ट खेळगडे पुरस्कार 

भांगरभूंय | प्रतिनिधी

खबरां संस्था
साताराः चले आनी चलयांचे 32 वे राष्ट्रीय खो खो सर्तींत महाराष्ट्राचे पंगड वस्ताद थारले. सेगीत दोन फावट महाराष्ट्रान दोट्टी मुकूट मेळयलो. वस्तादपण मेळोपाची महाराष्ट्राची ही सातवी खेप आसा. चलयांच्या फायनलींत महाराष्ट्रात कर्नाटकाचेर  13-07  अशें एक डाव आनी 6 गुणांनी जैत मेळयलें. जाल्यार चलयांच्या गटांत  लेगीत तांण कर्नाटकाचेर 1 डाव आनी 4 गुणांनी जैत मेळयलें.  उत्कृष्ट खेळगड्याचो पुरस्कार महाराष्ट्राच्या राज जाधव आनी धनश्री कंक हांका फावो जालो.
महाराष्ट्राच्या चल्यांच्या पंगडान कर्नाटकांक सुरवेक सावन तकली वयर काडपाक दिली ना. कॅप्टन रान जाधवान 1.40, आशिष गौतमान 2.25, हराद्या वसावेन 2.50 मिनटांक संरक्षणाची बाजू सांबाळली. आशिष आनी हराध्यान दरेकी 3 गड्यांक बाद केलें. दुसऱ्या संरक्षणात राजान 2.30 आनी जितेंद्र वसानेन 2 मिनटां पळती केली. कर्नाटका कडल्यान कुमारान 1.10 मिनटां संरक्षण केले आनी 2 गुण मेळयले. चेतनान 2 गुण मेळयले.
महाराष्ट्राच्या चलयांच्या पंगडान कर्नाटकांक हारयलें. पयलीं संरक्षण करतना महाराष्ट्राच्या खेळगडींनी बाजू बरी सांबाळली. कर्णधाक धनश्री कंक 2.30, विद्या तामखडे नाबाद 3 मिनटी पळती केली. पयल्या डावांत महाराष्ट्राचे दोन गडी बाद जाले. तांणी पयल्या आक्रमणांत 9 गड्यांक बाद केलं. तातूंत धनश्री, विद्या आनी प्राजक्त बनसोडे हांणी दरेकी दोन गड्यांक बाद केलें. दुसऱ्या संरक्षणात धनश्रीन 2.50 आनी विद्या तामखडेन 3.50 मिनटा पळती केली. कर्नाटका कडल्यान हर्षिता आनी सुस्मिता हांणी अश्टतासी खेळी केली.