चलात दम्यां विशीं जाणून घेवया…..
भांगरभूंय | प्रतिनिधी
दमो हो फुफ्फुसां कडेन संबंदीत दुयेस. हातूंत दुयेंतीक स्वास घेवपाक त्रास जाता. फुफ्फुसाच्या वायुमार्गाचें हें दुयेंस. दम्यांत स्वास मार्गांत सुज येता. स्वास भितर आनी भायर घेवपाक त्रास जातात. दमो आशिल्ल्या मनशाक नेमान शारिरीक क्रियाकलाप करप कठीण आनी अशक्य आसा. योग्य वेळार उपचार केलो ना जाल्यार तो जीवघेणो थारूंक शकता. दम्याचो स्वासाचेर परिणाम जाता. ५ ते ११ वर्सां पिरायेच्या भुरग्यांकय दमो जावं येता. हें दुयेंस आनुवंशिक, वायु प्रदुशणाच्या कारणांक लागून जाता. संवसारीक भलायकी संघटनेच्या अहवाला प्रमाण भारतांत 2 कोटी दम्याचे दुयेंती आसात.
दम्याचीं लक्षणां
- रातच्या वेळार खोंकली आनी स्वास घेवपाक त्रास जावप.
- स्वास घेतना आवाज येवप, हड्ड्यांत दुखप.
- थोडें चलल्यार लेगीत बेगीन थकप.
- गळो सुकप, अस्वस्थ जावप
- नाडयेचे ठोके वाडप.
दमो आडावपाचे उपाय
- दम्याच्या दुयेंतींनी पावस, थंड आनी धुल्ल आशिल्ल्या सुवातींनी वचप टाळचें. पावसाक लागून दम्याचीं लक्षणां वाडटात.
- भायर सरचे पयलीं मास्क घालचें.
- प्रदुशण, धुप, उजवात, जळारांची कॉयल, रंगाच्या वासा कडल्यान पयस रावचें.
- धूम्रपान करपी लोकां पासून पयस रावचें.
- आहार आनी जिणे पद्दतीन दम्याचे परिणाम उणे जातात.
दम्याचेर घरगुती उपाय
- गंव, पोरणो तांदूळ, मूंग, कुळीथ हांचे सेवन करचें.
- आहारांत हळद, मिरयां, आलें आनी लसूण हांचो आस्पाव करचो.
- पाचव्या पानांची भाजी खावची. गाजराचो रोस आनी पालक दम्याच्या दुयेंतींक फायदेशीर आसतात.
- गरम उदक पिवचें.
- म्होंव खावचें. दम्याच्या दुयेंतींक म्होंव फायदेशीर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
