भांगरभूंय | प्रतिनिधी
नवी दिल्ली, खबरां संस्था: सर्वोच्च न्यायालयान बिरेस्तारा दिल्ल्या आदेशांत म्हणलां, चलयांक तांच्या पालकां कडल्यान शिक्षणा कडेन संबंदीत खर्चाची मागणी करपाचो अधिकार आसा. गरज आसल्यार पालकांक तांच्या चलयेच्या शिक्षणा खातीर गरजेची रक्कम दिवपाक कायदेशीरपणान रक्कम दिवपाक लावं येता.
२६ वर्सां सावन वेगळें रावपी जोडप्याच्या प्रकरणांत न्यायालयान हो आदेश दिला. ह्या जोडप्याची धूव आयर्लंडांत शिकताली. चलयेच्या शिक्षणा खातीर बापायन आवयक दिल्ली पोटगी ४३ लाख रुपया आशिल्ली, जी चलयेन स्वाभिमानाचें कारण दिवन न्हयकारली.
न्यायमुर्ती सूर्यकांत आनी न्यायमूर्ती उज्ज्वल भुईया हांच्या खंडपीठान सांगलें, चलयेक हे पयशे दवरपाचो अधिकार आसा. तिका हे पयशे तिच्या आवय वा बापायक परत करपाची गरज ना. ती तिका जाय तशे ते खर्च करपाक शकता.
घोव- बायले मदीं ७३ लाख रुपयांचो समझोता
२८ नोव्हेंबर २०२४ दिसा ह्या जोडप्या मदीं समझोता जालो. जाचेर चलयेनूय सय केली. हे तडजोडी खाला घोवान आपली बायल आनी धावेक वट्ट ७३ लाख रुपया दिवपाचें मान्य केल्लें. हातुंतले ४३ लाख रुपया चलयेच्या शिक्षणा खातीर आशिल्ले. बाकीचे बायले खातीर आशिल्ले.
कोर्टान सांगलें, बायलेक तिचो वाटो ३० लाख रुपया मेळ्ळ्यार आनी दोनूय पक्ष फाटल्या २६ वर्सां सावन वेगळे रावतात. हाका लागून ह्या जोडप्यान घटस्फोट घेवचो न्हय अशें कसलेंच कारण ना.
चलयेन आपली प्रतिश्ठा राखपा खातीर ते पयशे घेवपाक न्हयकार दिल्ल्याचें खंडपीठान सांगलें. तिणें आपल्या बापायक पयशे परत घेवपाक सांगलें. मात बापायनूय न्हयकार दिलो.
कोर्टाचो आदेश : घोव- बायल सेटलमेंटच्यो अटी मान्य करतलीं
ह्या करारा प्रमाण घोव-बापय एकमेकां आड खंयचोच खटलो दाखल करचे ना आनी खंयच्याय मंचा मुखार खंयचेंय प्रकरण आडकून आसल्यार तें तडजोडी प्रमाण निकालांत हाडटले, असो आदेश न्यायालयान दिला. फुडाराक, दोनूय पक्ष एकमेकां आड कसलेच दावे करचे ना आनी कराराच्यो अटी पाळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
